Guarulhos

Guarulhos is die tweede grootste stad in die Brasiliaanse deelstaat São Paulo en 'n voorstad van die gelyknamige metropool met 'n oppervlakte van 318,014 vierkante kilometer en 'n bevolking van 1,3 miljoen mense in 2009. Dit is die twaalfde grootste geïnkorporeerde nedersetting in die land, beskik oor 'n universiteit, die Universidade Guarulhos, en is die setel van die Rooms-Katolieke diosese Guarulhos.

Município de Guarulhos
Kaart	Wapen
	Vlag
Land	Brasilië
Deelstaat	São Paulo
Koördinate	23°27′S 46°31′W
Stigting	8 Desember 1560
Oppervlakte:
- Totaal	318,014 vk km
Hoogte bo seevlak	759 m
Bevolking:
- Totaal (2009)	1 299 283
- Bevolkingsdigtheid	4 022,4/vk km
Tydsone	UTC -2
- Somertyd	UTC -3
Prefek	Gustavo Henric Costa (PSB)
Amptelike Webwerf	guarulhos.sp.gov.br

Guarulhos maak deel uit van die metropolitaanse gebied van São Paulo en grens in die suide en weste aan hierdie stad, in die noorde aan Mairiporã, Nazaré Paulista en Santa Isabel en in die ooste aan Arujá en Itaquaquecetuba. Die internasionale lughawe van São Paulo-Guarulhos (GRU), die grootste in Suid-Amerika, is in die stadsgebied van Guarulhos geleë.

Die naam is aan die inheemse Tupí-taal ontleen en beteken letterlik "eters" of "dikbuike" - 'n verwysing na die oorspronklike bewoners van die gebied.