HMS Swift

Die HMS Swift was 'n torpedojaer van die Britse Vloot tydens die Eerste Wêreldoorlog. Hy het gedien as 'n flotielje-leier tydens die oorlog. Maar as gevolg van sy ontwerp kon hy egter nie die onstuimige Noordsee baasraak nie en het diens gedoen verder suid in die omgewing van Dover. Hy het hom onderskei gedurende nagaksie in 1917 toe hy twee Duitse torpedojaers gesink het. Hy was op daardie stadium toegerus met een 6-duim kanon wat later vervang is met twee 4-duim kanonne.

HMS Swift.

Tegniese besonderhede

Hy het 2 170 ton water verplaas en was aangedryf deur twee stoomturbines wat gesamentlik 30 000 dryfasperdekrag gelewer en 'n topspoed van 35 knope verseker het. Hy was aanvanklik toegerus met een 6-duim, twee 4-duim, een 57-mm lugafweerkanonne en twee 18-duim torpedobuise. Die 6-duim kanon is later vervang met twee 4-duim kanonne.

Bron

• The Encyclopedia of Sea Warfare. Spring Books. 1975. ISBN 0-600-33111-3