Harar

Harar (Ge'ez: ሐረር) (oftewel Harar Jurol) is 'n stad in Ethiopië en die hoofstad en enigste stad van die stadstreek Harari. In 2012 het Harar 'n bevolking van 151 977 gehad, van wie die meeste Moslems was.

Harar ሓረር
'n Uitsig oor Harar
Vlag
Harar
Koördinate: 9°19′00″N 42°7′00″O
Land	Ethiopië
Streek	Harari
Hoogte	1 885 m (6 184 ft)
Bevolking
• Totaal	151 977
Tydsone	UTC+03:00 (OAT)

Die stad het 99 moskee, een vir elk van die 99 Skone Name van God. Daarom word Harar deur veral Afrika-Moslems as die vierde heiligste stad in die Soennitiese Islam naas Mekka, Medina en Jerusalem beskou. Binne die ou ommuurde stad woon veral die plaaslike Harari en buite die mure die Oromo en Amhare. Unesco het die geskiedkundige middestad in 2006 tot wêrelderfenisgebied verklaar. Dié gebied beslaan sowat 48 hektaar.

Galery

• 
  Die stadsraad se kantoor.
• 
  'n Tipiese woonbuurt in Harar.
• 
  'n Katolieke kerk in Harar.
• 
  Die Arthur Rimbaud-huis, so genoem na die Franse digter wat 'n tyd lank in 'n kamer in die huis loseer het.
• 
  Vroue dra vuurmaakhout aan.
• 
  Kleremakers aan die werk.
• 
  'n Stalletjie in Harar se speserymark.
• 
  Die gereelde voer van hiënas saans in Harar is 'n gewilde toeristeaantreklikheid.

Eksterne skakels

• Wikimedia Commons het meer media in die kategorie Harar.
• (en) (fr) Amptelike UNESCO bladsy