Helter Skelter (liedjie)
"Helter Skelter" is 'n liedjie deur die Engelse rockgroep die Beatles van hulle album van 1968 The Beatles (ook bekend as die "White Album"). Die liedjie is deur Paul McCartney geskryf, met erkenning wat gaan aan Lennon-McCartney. Dit was McCartney se poging om so 'n harde en vuil klank as moontlik te skep en word beskou as 'n belangrike invloed in die vroeë ontwikkeling van heavy metal. Die liedjie is in 1976 in Amerika uitgereik aan die B-kant van "Got to Get You into My Life" om Capitol Records se versameling Rock 'n' Roll Music bekend te stel.
Saam met ander liedjies van die White Album is "Helter Skelter" deur die kultusleier Charles Manson vertolk as 'n boodskap wat 'n rasseoorlog in die VSA voorspel. Manson het sy visie van die opstand na die liedjie genoem. Rolling Stone het "Helter Skelter" 52ste gelys op sy "The 100 Greatest Beatles Songs".
Agtergrond
wysigPaul McCartney is geïnspireer om "Helter Skelter" te skryf nadat hy 'n onderhoud met The Who se Pete Townshend gelees het waarin hy hulle enkelspeler van September 1967, "I Can See for Miles", beskryf as die hardste, rouste, vuilste liedjies wat The Who nog opgeneem het. McCartney het toe "Helter Skelter" geskryf om dit te ewenaar.[1]
In Britse Engels is helter skelter 'n pretparkrit wat bestaan uit 'n hoë, spiraalvormige glybaan rondom 'n toring, maar die frase kan ook beteken chaos en wanorde.[2] McCartney het gesê hy het die "simbool van die helter skelter gebruik as 'n rit van bo na onder; die val van die Romeinse Ryk, en dit was die val, die agteruitgang."[1]
Hy het later bygevoeg die liedjie was 'n reaksie op resensente wat hom daarvan beskuldig het dat hy net sentimentele ballades skryf en dat hy die "soppy" lid van die groep is.[3] Hoewel erkenning vir die liedjie aangedui word as Lennon-McCartney, is dit net deur McCartney geskryf.[4][5]
Sien ook
wysigVerwysings
wysig- ↑ 1,0 1,1 Miles 1997, pp. 487–88.
- ↑ "Definition of helter-skelter". AskOxford. Geargiveer vanaf die oorspronklike op 23 Oktober 2017. Besoek op 19 September 2010.
- ↑ The Beatles 2000, pp. 310–11.
- ↑ Womack 2014, pp. 381–82.
- ↑ Sheff 2000, p. 200.
Bronne
wysig- The Beatles (2000). The Beatles Anthology. San Francisco: Chronicle Books. ISBN 0-8118-2684-8.
- Miles, Barry (1997). Paul McCartney: Many Years from Now. New York: Henry Holt & Company. ISBN 0-8050-5249-6.
- Sheff, David (2000) [1981]. All We Are Saying: The Last Major Interview with John Lennon and Yoko Ono. New York: St. Martin's Press. ISBN 0-312-25464-4.
- Womack, Kenneth (2014). The Beatles Encyclopedia: Everything Fab Four. Santa Barbara: ABC-CLIO. ISBN 978-0-313-39171-2.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
