Herman Coster
Hermanus Jacobus Coster (Alkmaar, Nederland, 30 Junie 1865 - Elandslaagte, Zuid-Afrikaansche Republiek, 21 Oktober 1899) was 'n Nederlandse advokaat en Minister van Justisie van die Zuid-Afrikaansche Republiek.[1]
Herman Coster | |
|---|---|
 | |
| Gebore | Hermanus Jacob Coster 30 Junie 1865 |
| Sterf | 21 Oktober 1899 (op 34) |
| Beroep | Minister van Justisie van die Zuid-Afrikaansche Republiek |
| Bekend vir | Slag van Elandslaagte |
Biografie
wysigHerman Coster is op 30 Junie 1865 in Alkmaar in Nederland gebore. Hy het skoolgegaan aan die H.B.S. in Alkmaar, en die Stedelijk Gimnasium in Leiden. Daarna studeer hy regte aan die Universiteit van Leiden, waar hy president van die studentekorps genaamd Virtus Concordia Fides word.[1] Sy oom, 'n dokter in Den Haag genaamd T.H. Blom Coster, was sy beskermheer. As student het Herman Coster simpatie met die Jong Vlaamse Beweging gehad. Hy voltooi sy PhD in 1890 en skryf sy proefskrif oor openbare vrywillige veilings.
Hy het na die Zuid-Afrikaansche Republiek verhuis nadat sy gesin bankrotskap in die gesig gestaar het. Hier word hy advokaat, en tussen 1895-1897 dien hy op versoek van president Paul Kruger as staatsadvokaat. Nadat Kruger die 'Hollanders' beledig het, het Coster sy pos bedank en weer as advokaat gaan werk.
Tydens die Tweede Vryheidsoorlog (1899-1902) sluit Coster aan by die Hollanderkorps: 'n vrywillige eenheid bestaande uit buitelandse vrywilligers wat uit 130 mans bestaan en wat 'n maand tevore gestig is. Die Slag van Elandslaagte was beide die eerste en laaste geveg waaraan die Korps deelgeneem het. Coster, destyds luitenant, is tydens die Slag van Elandslaagte saam met sy mede-offisier Cars Geerts de Jonge en sewe ander soldate gedood, naamlik : PJ van den Broek, H. van Cittert, J.A. Lepeltak Kieft, Jan Moora, J.Th. Rommel, M. Schaink, en F.W. Wagner. 'n Verdere 35 van hulle is gevange geneem, waaronder Willem Frederik Mondriaan (broer van die Nederlandse kunstenaar Piet Mondrian). [2] Die name van die oorledenes, waaronder Coster, is op 'n monument op die plek aangebring. Die monument is in 2014 deur vandale vernietig. [3]
Na sy dood is Coster in Nederland as 'n held geprys, en is daar verskillende hagiografieë oor om gepubliseer. [2] In 1900 is die Herman Coster Fonds in Leiden gestig vir Afrikaner en Nederlandse studente. In November 1901 is 'n gedenkplaat ter herinnering aan Coster by die Leiden Academiegebouw aangebring. [2]
Hermanus Costerstraat in Den Haag is in 1904 na Coster vernoem. Hierdie straat is geleë in die Transvaal-woonbuurt in Den Haag wat op daardie tydstip gestig is. In 1915 is die naam na Herman Costerstraat verander. Vandag is dit die ligging van die Haagse Markt. 'n Verdere Herman Costerstraat is naby Wassenaar geleë. Coster se tuisstad Alkmaar beskik ook oor 'n straat wat na hom vernoem is. [4] Daar is ook strate vernoem na Coster in die Transvaal-woonbuurte in Leeuwarden en Rotterdam, sowel as in Pretoria in Suid-Afrika.
Coster en die Hollanderkorps was deel van die uitstalling Goeie Hoop: Suid-Afrika en die Nederlande vanaf 1600 wat in 2017 in die Rijksmuseum in Amsterdam gehou is. [5][2]
Galery
wysig-
Collegium van die Leiden Studentekorps, 1899-1890. Herman Coster is in die middel. -
Graf van Herman Coster, Slag van Elandslaagte (1899), Suid-Afrika. Onbekende fotograaf, waarskynlik omstreeks 1899 geneem. -
Grafsteen van Hermanus Jacob Coster by die begraafplaas in Kerkstraat, Pretoria. -
'n Gedenkplaat by die Academiegebouw, Universiteit van Leiden, wat die dood van die Leiden alumnus Herman Coster tydens die Slag van Elandslaagte (Zuid-Afrikaansche Republiek) in 1899 herdenk. -
Hollanderkorps gedenkteken by Elandslaagte, voor die vernietiging daarvan in 2014. -
Portret van Coster deur Johan Antoni de Jonge (Academisch Historisch Museum, Universiteit van Leiden.
Verwysings
wysig- ↑ 1,0 1,1 Willems, Menzo (21 Januarie 2020). "Europa liet Boeren 120 jaar geleden aan lot over". De Telegraaf (in Nederlands). Geargiveer vanaf die oorspronklike op 3 Maart 2020. Besoek op 2 Februarie 2020.
- ↑ 2,0 2,1 2,2 2,3 Kuitenbrouwer, Vincent (2017). "The Anglo-Boer War of 1899-1902". In Gosselink, Martine; Holtrop, Maria; Ross, Robert (reds.). Good Hope: South Africa and the Netherlands from 1600. Amsterdam: Uitgeverij van Tilt. pp. 233–250.
- ↑ "Horror destruction of Elandslaagte battle memorial | Northern KZN Courier". northernnatalcourier.co.za. Geargiveer vanaf die oorspronklike op 2 April 2017. Besoek op 2 April 2017.
{{cite web}}: CS1 maint: bot: original URL status unknown (link) - ↑ "Hermanus Jacobus Coster | Emmakwartier - de leukste wijk van Alkmaar". www.emmakwartier.nl (in Nederlands). Besoek op 8 November 2018.
- ↑ Nasson, Bill (2017). "The Anglo-Boer War of 1899-1902". In Gosselink, Martine; Holtrop, Maria; Ross, Robert (reds.). Good Hope: South Africa and the Netherlands from 1600. Amsterdam: Uitgeverij van Tilt. pp. 213–232.
Eksterne skakels
wysig
Wikimedia Commons het meer media in die kategorie Herman Coster.
