Hermelyn
Die hermelyn (Mustela erminea) is ’n klein karnivoor van die familie Mustelidae. Die dier word regdeur die Arktiese streek in Europa, Asië en Noord-Amerika aangetref. Dit is lank en skraal gebou en is uiters vinnig. Dit is ook ’n sterk swemmer wat dikwels op eilande aangetref word. Sy pels, veral sy winterpels, is baie gesog.
| Hermelyn | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | |
| Genus: | |
| Spesie: | M. erminea
|
| Binomiale naam | |
| Mustela erminea Linnaeus, 1758
| |
| |
| Verspreiding | |
Eienskappe
wysigDie hermelyn is baie soortgelyk aan die wesel maar is swaarder. Hy het 'n langwerpige lyf. Sy pels is kastaiingbruin, met 'n geelwit maag en 'n swart stert. Sy pels verander van die somer na die winter. In die somer is die pels rooibruin en in die winter wit. In die arktiese omgewing word die pels heeltemal wit (met die uitsondering van die swart stertpunt), maar in gebiede verder suid word dit slegs gedeeltelik wit. In antieke tye is hermelyne se winterpels gebruik as materiaal vir koninklike mantels.
Die dier kan 16 tot 31 cm lank word, met 'n stertlengte van 9,5 tot 14 cm, en 'n gewig van 90 tot 445 gram. Mannetjies is gewoonlik groter as wyfies. 'n Mannetjie se kop-romplengte, die afstand van die punt van die snoet tot waar die stert begin, is gemiddeld 297 mm, sy stertlengte 117 mm, en liggaamsgewig tussen 200 en 445 gram. Die wyfie se kop-romplengte is so 265 mm, haar stertlengte 110 mm, en gewig 140 tot 280 gram. Noordelike bevolkings het oor die algemeen 'n kleiner liggaamsbou.
Aantekeninge en verwysings
wysig- Hierdie artikel is merendeels vertaal vanaf die Engelse Wikipedia-artikel "Stoat"
- ↑ Reid, F. & Helgen, K. (2008). Mustela erminea. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 21 Maart 2009.
