Herold

Herold is 'n klein nedersetting aan die noordekant van die Montagupas in die Wes-Kaap, Suid-Afrika. Soos Heroldsbaai is dit vernoem na die eerste predikant van die NG gemeente George, ds. T.J. Herold. Die N9 nasionale pad loop noord van die dorp verby.

Herold
Herold
Koördinate: 33°50′0″S 22°27′0″O
Land	Suid-Afrika
Provinsie	Wes-Kaap
Distriksmunisipaliteit	Tuinroete
Plaaslike Munisipaliteit	George
Tydsone	UTC+2 (SAST)

Skool en kerk

In 1933 het 'n plaaslike boer grond aan die De Villiers-gemeente van die NG Sendingkerk geskenk. Die plaaslike gemeenskap het dan eiehandig die Verenigde Gereformeerde Kerk en die Franken Primêre skool op die terrein gevestig. In 2020 het die skool 330 leerders gehad wat tot graad 9 onderrig ontvang het. Ds. David Elias het egter in 2020 op aanbeveling van konsultante afgekondig dat die skool verkoop gaan word, wat die gemeenskap veronrus het. Volgens die gemeenskap word die skool se krag-, water- en hittevoorsiening ook belemmer.

Sien ook

• Heroldsbaai
• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus. 1995 ISBN 1-86842-026-4