Hertog van Cambridge

Die Hertog van Cambridge is ’n oorerflike Britse adellike titel. Die titel (genoem na die stad Cambridge in Engeland) word geërf deur manlike afstammelinge van die titelhouer deur eersgeboortereg.

Hertog van Cambridge
Die wapen van prins William, Hertog van Cambridge.
Die wapen van prins William, Hertog van Cambridge.
Geskep 29 April 2011 (vyfde keer)
Monarg Elizabeth II
Eerste houer James Stuart
Huidige houer Prins William
Ander titels Graaf van Strathearn
baron Carrickfergus
Status In gebruik
Die Hertog en Hertogin van Cambridge.

Die titel dateer van die 17de eeu en het die vroeëre titel Graaf van Cambridge vervang. Die titel was verskeie kere in onbruik voordat dit op 29 April 2011 weer ná meer as 100 jaar aan prins William toegeken is op die dag dat hy met Kate Middleton getrou het.

GeskiedenisWysig

Die titel is die eerste keer toegeken aan Charles Stuart, die oudste seun van die Hertog van York (later koning James II). Hy was egter nooit amptelik die Hertog van Cambridge nie omdat hy op ses maande dood is. Die eerste amptelik erkende houer vanaf 1664 was James Stuart, die tweede oudste seun van die Hertog van York. Hy is egter in 1667 op driejarige ouderdom dood en die titel het in onbruik geraak. Later daardie jaar is dit toegeken aan die Hertog van York se derde oudste seun, Edgar, maar hy is in 1671 dood, ook op driejarige ouderdom. Die hertog se oudste seun by sy tweede vrou, Charles, sou ook die titel kry, maar hy is in 1677 op ’n maand oorlede.

In 1706 is die titel herskep en toegeken aan George Augustus, seun van die latere koning George I. Toe George Augustus die troon as koning George II bestyg, het die titel met die kroon saamgesmelt.[1]

Die titel is weer herskep en aan prins Adolphus, die sewende oudste seun van koning George III toegeken.[2] Sy enigste seun, prins George, het dit in 1850 geërf. Sy huwelik was agter ’n oortreding van die Royal Marriages Act van 1772; sy huwelik was dus onwettig en sy seuns buite-egtelik. Ná sy dood in 1904 het die titel weer in onbruik geraak.[3]

Op 29 April 2011, die dag van prins William se troue met Kate, is aangekondig prins William het die titel Hertog van Cambridge gekry, asook die titels Graaf van Strathearn en baron Carrickfergus.[1]

Hertoë van CambridgeWysig

Eerste skepping, 1664Wysig

Naam Foto Gebore Huwelik Dood
James Stuart
Huis van Stuart
1664-1667
ook: Graaf van Cambridge en baron Dauntsey (1664)
  12 Julie 1663
Londen
seun van James II van Engeland en Anne Hyde
ongetroud 20 Junie 1667
Londen

Tweede skepping, 1667Wysig

Naam Foto Gebore Huwelik Dood
Edgar Stuart
Huis van Stuart
1667-1671
ook: Graaf van Cambridge en baron Dauntsey (1667)
14 September 1667
Londen
seun van James II en Anne Hyde
ongetroud 8 Junie 1671
Londen

Derde skepping, 1706Wysig

Naam Foto Gebore Huwelik Dood
Prins George
Huis van Hannover
1706-1727
ook: Markies van Cambridge, Graaf van Milford Haven, burggraaf Northallerton en baron Tewkesbury (1706-1714);
Prins van Wallis (1714), Hertog van Cornwall (1337) en Hertog van Rothesay (1398)
  30 Oktober / 9 November 1683
Hannover
seun van koning George I en Sophia Dorothea van Celle
22 Augustus 1705
Caroline van Ansbach
10 kinders
25 Oktober 1760
Londen

Vierde skepping, 1801Wysig

Naam Foto Gebore Huwelik Dood
Prins Adolphus
Huis van Hannover
1801-1850
ook: Graaf van Tipperary en baron Culloden (1801)
  24 Februarie 1774
Londen
seun van koning George III en Charlotte van Mecklenburg-Strelitz
18 Junie 1818
Prinses Augusta van Hesse-Kassel
3 kinders
8 Julie 1850
Londen
Prins George
Huis van Hannover
1850-1904
ook: Graaf van Tipperary en baron Culloden (1801)
  26 Maart 1819
Hannover
seun van prins Adolphus en prinses Augusta van Hesse-Kassel
8 Januarie 1847
Sarah Fairbrother
3 kinders
17 Maart 1904
Londen

Vyfde skepping, 2011Wysig

Naam Foto Gebore Huwelik Dood
Prins William
Huis van Windsor
2011-tans
ook: Graaf van Strathearn en baron Carrickfergus (2011)
  21 Junie 1982
London
seun van Charles, Prins van Wallis en lady Diana Spencer
29 April 2011
Kate Middleton
3 kinders

VerwysingsWysig

  1. 1,0 1,1 "Announcement of Titles: Statement issued by the press secretary to The Queen" (in Engels). The Royal Household. 29 April 2011. Geargiveer vanaf die oorspronklike op 18 Mei 2019. Besoek op 30 April 2012.
  2. London Gazette, uitg. 15429, p. 1403, 21 November 1801
  3. Tim Ross (16 November 2010). "Could William and Kate be the next Duke and Duchess of Cambridge?". The Telegraph (in Engels). telegraph.co.uk. Geargiveer vanaf die oorspronklike op 18 Mei 2019. Besoek op 11 Februarie 2012.