Hornby Railways
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Hornby Railways is 'n Britse modelspoorwegmaak. Sy oorsprong dateer terug na 1901, toe sy stigter, Frank Hornby, 'n patent bekom het vir sy Meccano konstruksiespeelgoed. Die eerste opwentreintjie is in 1920 vervaardig, en in 1938 het Hornby sy eerste 00-maat modeltreine bekendgestel. In 1964 is Hornby en Meccano deur hul mededinger, Tri-Ang, gekoop. Hornby Railways word onafhanklik in die 1980's, en is ook daarna op die Londense Aandelebeurs genoteer. As gevolg van onlangse finansiële probleme word die meerderheid aandele egter tans deur die ommekeerspesialis Phoenix Asset Management besit.
| Hornby Railways | |
 | |
| Tipe | Openbare maatskappy |
|---|---|
| Gestig | 1901 (as Hornby Hobbies Ltd.) 1980 (as Hornby Railways) |
| Hoofkantoor | Margate, Kent, Engeland, Verenigde Koninkryk |
| Inkomste | £55,76 miljoen (2016) |
| Bedryfsinkomste | -£13,12 miljoen (2007) |
| Netto inkomste | -£13,71 miljoen (2016) |
| Werknemers | 200 (2010) |
| Moedermaatskappy | Phoenix Asset Management |
| Webwerf | www.hornby.com |
Geskiedenis wysig
Vroeë geskiedenis: 1920-1938 wysig
Hornby was aanvanklik 'n handelsnaam vir die spoorwegproduksies van Meccano Ltd en was gebaseer in Liverpool. Hulle eerste treintjie, 'n opwen 0-maatmodel (1:48), is in 1920 vrygestel. Elektriese treine het gou gevolg daarna, maar hulle was swak ontwerp en die paar wat wel gebou is, is almal in Frankryk uitverkoop. In 1925 is 'n baie meer suksesvolle elektriese model vrygestel, wat op die hoëspanning van 110 volt ws-krag geloop het.
Weens kommer oor veiligheid, is eerder laespanning 4V- en later ook 6V-motors ingevoer, gevolg deur 'n betroubare 20V ws-stelsel wat in die vroeë 1930's ontwikkel is. Die opwenmodelle het egter steeds die steunpilaar van Hornby se 0-maattreine gebly tot in 1937, en was die enigste loko's wat beskikbaar was in Liverpool-geboude 0-maattreine sedert 1949.
'n Fabriek is in Frankryk opgerig, wat ontwikkel is om sy eie reeks van Franse treintjies te bou, maar Liverpool oorheers uitvoeraktiwiteit elders, met groot getalle van Hornby treine wat na Australië, Nieu-Seeland, Argentinië, Suid-Afrika en Skandinawië uitgevoer is. Selfs al was die uitvoermodelle dikwels in die "buitelandse" kleurskema's geverf, het Hornby treine baie "Brits" gelyk. Hornby het hierna gepoog om die Amerikaanse mark te betree deur 'n fabriek in 1927 in Elizabeth, New Jersey op te rig om Amerikaanse-styl modeltreine te vervaardig.
Hierdie treine was kleurvol en aantreklik, maar lae-mark en net van die opwensoort. Hulle sou waarskynlik misluk in die mark, want verskeie gevestigde Amerikaanse maatskappye kon hulle pryse sny en Hornby kon geen beter-klas goedere of elektriese modelle aanbied nie. In 1929 is Meccano Bpk. se New Jersey-fabriek aan die A.C. Gilbert-maatskappy verkoop en Hornby treintjies het uit die Amerikaanse mark verdwyn teen 1930. Die oorskietvoorraad is in Kanada en die V.K. van die hand gesit, en sekere van die bougereedskap is hergebruik vir produkte in ander markte.
Tri-ang Hornby: 1964-1972 wysig
In 1964 het Lyne Bros Ltd., die moedermaatskappy van mededinger Tri-ang Railways, Meccano Ltd. gekoop en Hornby en Tri-ang saamgesmelt in Tri-ang Hornby. Die voormalige Hornby-lyn is gestaak ten gunste van Tri-ang se goedkoper plastiekontwerpe. Die Hornby Dublo bougereedskap is verkoop aan G & R Wrenn, wat voortgegaan om die meeste van die loko's en rollende voorraad te bou.
Hornby Railways: 1972-1980 wysig
Die Tri-ang-groep is in 1971 ontbind toe Meccano Ltd se eienaar, Lyne Bros, bankrotskap in die gesig staar. Die voormalige Tri-ang Hornby is verkoop aan Dunbee-Combex-Marx, wat Hornby Railways word in 1972. Teen 1976 het Hornby die detail op sy modelle opgegradeer om die produklyn meer aantreklik te maak vir volwasse amateurs.
Hornby Hobbies Limited: 1980–2015 wysig
In 1980 het Hornby se naam verander na Hornby Hobbies Limited, en word in 1986 'n publieke maatskappy.
Versamelaar- en entoesiastegroepe wysig
Voor-1964 Hornby treintjies het 'n vlak van volwasse versamelaarsbelang gehad sedert die 1940's. In 1969 is die Hornby Spoorwegversamelaarsvereniging gestig om voorsiening te maak daarvoor en tans is die ledetal byna 3000. Die vereniging publiseer 10 tydskrifte per jaar, sowel as ander literatuur. Publikasies oor ouer Hornby en Meccano produkte word oorheers deur diè wat gepubliseer word deur New Cavendish Books soos "The Hornby Companion Series", in die besonder Chris & Julie Graebe se "Die Hornby 0-maatstelsel" en Michael Foster se volume oor Hornby Dublo. Triang-Hornby en latere Hornby produkte word verteenwoordig deur die Train Collectors' Association.
Handelsmerke wysig
Lima wysig
Lima was 'n Italiaanse maatskappy wat gewilde, bekostigbare modelspoorwegmateriaal verskaf het, maar die markdruk in die middel-1990's het gelei tot Lima se samesmelting met Rivarossi, Arnold en Jouef. Toe hierdie konsolidasie misluk en bedrywighede gestaak word in 2004, het Hornby Railways al Lima se bates verkry. Teen 2006 is 'n reeks van hierdie produkte beskikbaar gestel onder die Hornby Internasionale handelsmerk, en lokomotiewe is hertoegerus met NEM-koppelings, geveerde buffers en passtukke vir DCC-dekodeerders.
Eksterne skakels wysig
Wikimedia Commons het meer media in die kategorie Hornby Railways.- (en) Amptelike webwerf
