Houhoekpas
Houhoekpas (Houw Hoekpas) is 'n bergpas geleë op die N2 nasionale pad oos van die Sir Lowryspas en tussen Grabouw en Botrivier. Die pas bereik sy hoogste punt op 340 m met ’n maksimum helling van 1:15.
In 1682 het Olof Bergh en in 1689 Isaq Schrijver reeds hier roete na die binneland gevolg. Charles Michell het, terwyl hy met die Sir Lowryspas besig was, begin met die Houhoekpas. Sy ontwerp was besonder goed vir die tyd. Voorheen kon slegs ossewaens oor die pas, maar nou kon perdekarre met 'n vinnige tred dit gebruik. Die pad het net 15 jaar gehou. In 1846 het Andrew Geddes Bain die pad herstel en herbou. Klipmure is gebou en die dreinering verbeter. Toe die spoorlyn in 1904 oor die berg na die Overberg gebou is, is die pad verlê na langs die Jakkalsrivier. Soos motors sterker en vinniger geword het en die verkeersvolume toegneem het is die roete van die pad gewysig na die Tweede Wêreldoorlog, na 'n trajek oor die berg. Gedurende 1976 is die pad weereens verbou tot die huidige snelweg met vier bane.
Trivia
wysig- Die oudste bestaande hotel in Suid-Afrika dateer uit 1834 en is in die Houhoekpas geleë.
- In 1903 is die eerste motortydren in Suid-Afrika in hierdie pas gehou.
Sien ook
wysigBibliogafie
wysig- Ross, Graham: The romance of Cape mountain passes. Kaapstad: Sunbird, 2011. ISBN 978-1-920289-51-5
- Standard Encyclopaedia of Southern Africa, deel 5. Kaapstad: Nasou, 1972. ISBN 0-625-00321-7
- Standard Encyclopaedia of Southern Africa, deel 7. Kaapstad: Nasou,1972. ISBN 0-625-00323-3
- Standard Encyclopaedia of Southern Africa, deel 9. Kaapstad: Nasou, 1973. ISBN 0-625-00325-X
- Whitehead, Marion: Passes and Poorts: Getaway’s top 30 scenic mountain routes in die Western Cape. ISBN 978-1-77009-805-3