Hyundai i10
Die Hyundai i10 is 'n stadsmotortjie wat sedert 2007 deur die Suid-Koreaanse vervaardiger Hyundai vervaardig word. Dit vervang die Hyundai Atos in die modelreeks en was aanvanklik slegs as 'n vyfdeur-luikrugbakstyl beskikbaar.
_IMG_2622.jpg) | |
| Oorsig | |
|---|---|
| Vervaardiger |  Hyundai |
| Ook genoem | Hyundai Grand i10 |
| Produksie | 2007–huidig |
| Modeljare | 2007–huidig |
| Bakwerk en onderstel | |
| Klas | Stadsmotor |
| Bakstyl | 5-deur luikrug |
| Uitleg | Voorenjin, voorwieldryf |
| Spesifikasies | |
| Enjin(s) | 1.0 L Kappa II I3 enjin (petrol) 1.1 L Epsilon I4 (petrol) 1.2 L Kappa I4 (petrol) 1.1 L U-lyn I3 (diesel) |
| Ratkas | 5-gang handrat 4-gang outomaties |
| Lengte | 3565 mm |
| Breedte | 1595 mm |
| Hoogte | 1550 mm |
| Massa | 925 - 1040 kg |
| Asafstand | 2380 mm |
| Plek in geskiedenis | |
| Voorganger | Hyundai Atos |
Die tweede geslag van die motor is in Augustus 2013 bekendgestel, en is vroeg in 2014 vrygestel. Die derde generasie i10 is op 7 Augustus 2019 in Indië onthul en op 20 Augustus 2019 bekend gestel, aangebied in 10 variante met petrol- en dieselenjins sowel as hand- en outomatiese ratkaste. Daar is ook 'n sedan-afgeleide, die Hyundai Xcent en die Hyundai Aura.
Ontwikkeling
wysigDie eerste generasie i10 is op 31 Oktober 2007 in Nieu-Delhi, Indië, aangekondig. Dit is in Indië by Hyundai se Chennai-aanleg vir die plaaslike en uitvoermarkte vervaardig.
Hyundai het begin met die ontwikkeling van die i10 om die Hyundai Atos te vervang. Die ontwikkeling vir die konsep het die kodenaam Hyundai PA gekry. Die motor was hoofsaaklik op die Indiese mark gerig en bedoel vir produksie in Indië, gegewe die gewildheid van luikrug-subkompakte in die land.
In Indië het dit vyf verskillende weergawes gehad: D-Lite, Era, Magna, Sportz en Asta met 'n 1.1L iDREZ-enjin en 1.2L Kappa-enjin. In Europa het dit vier verskillende weergawes: Classic, Style, Comfort en Eco Blue Version, met 'n 1,0 liter-enjin. Al die weergawes het vier lugsakke, ABS, elektriese vensters voor, lugversorging en 'n RDS- radio/CD-speler. Hoër weergawes het verhitte voorsitplekke, elektriese sondak en 'n stop/aansitstelsel.
Stilering
wysig
Die i10 het 'n groot lugdam, teruggetrekte hoofligte, verchroomde sierrooster, misligte en 'n agterruit met 'n opwaartse knik. Die agterluik het 'n chroom-gevoerde bagasiebak-vrylaathandvatsel en 'n dakdrukvlerk op die topweergawes.
Algehele lengte (3 565 mm) en asafstand (2 380 mm) is identies aan die Atos met effens meer binneruimte. Ergonomiese ontwerp was bedoel om lang bestuurders te akkommodeer en om die agterste knieruimte te vergroot. Die breedte (en voor- en agterspoor) is met 70 mm vergroot vir meer skouerruimte. Die hoogte is met 40 mmm verminder. Bagasieruim teen 225 liter is aansienlik minder as dié van die Getz.
Die binneruim het 'n plastiekpaneelhuis met 'n opsionele geïntegreerde stereo klankstelsel. Die instrumenthuisie het 'n groot wit spoedmeter, omring deur die toereteller en brandstof- en temperatuurmeters. Die rathefboom is in die middelkonsole ingebou, wat ruimte tussen die voorste sitplekke laat vir twee bekerhouers.