Ian Khama
Seretse Khama Ian Khama[1] (Ian a Serêtsê; 27 Februarie 1953 –)[2] is 'n Tswana-politikus wat tussen 2008 en 2018 as President van Botswana gedien het.
| Ian Khama | |
_(cropped).jpg) Ian Khama in 2014 | |
| Ampstermyn 1 April 2008 – 1 April 2018 | |
| Vise | Ponatshego Kedikilwe Mompati Merafhe Mokgweetsi Masisi |
|---|---|
| Voorafgegaan deur | Festus Mogae |
| Opgevolg deur | Mokgweetsi Masisi |
5de Adjunkpresident van Botswana
| |
| Ampstermyn 13 Julie 1998 – 1 April 2008 | |
| President | Festus Mogae |
| Voorafgegaan deur | Festus Mogae |
| Opgevolg deur | Mompati Merafhe |
Persoonlike besonderhede
| |
| Gebore | 27 Februarie 1953 Chertsey, Engeland, Verenigde Koninkryk |
| Politieke party | Botswana Democratic Party (tot 2019) Botswana Patriotic Front (sedert 2019) |
| Alma mater | Royal Military Academy Sandhurst |
Militêre Diens
| |
| Lojaliteit |  Botswana
|
| Diens/Tak | Botswana Verdedigingsmag |
| Jare in diens | 1977–1998 |
| Rang | Luitenant-generaal |
.jpg)
Nadat hy as bevelvoerder van die Botswana Verdedigingsmag gedien het, het hy tot die politiek toegetree, vanaf 1998 tot 2008 as Adjunkpresident van Botswana gedien en aansluitend op 1 April 2008 Festus Mogae as President opgevolg.
Hy het 'n volle termyn in die 2009-verkiesing gewen en is in Oktober 2014 herverkies. Na tien jaar in amp het Ian Khama op 1 April 2018 self bedank en is deur adjunkpresident Mokgweetsi Masisi opgevolg.[3]
In Oktober 2019 is Masisi as Botswana se president herkies, nadat die Botswana Democratic Party sy grootste bedreiging van eenheid in meer as vyf dekades beleef het, aangesien Masisi se voorganger, Ian Khama, by die opposisie aangesluit en Masisi van outoritarisme beskuldig het.[4] Khama is voorheen tydens Masisi se eerste toespraak aan die nasie skerp aangeval.[5]
In April 2022 is Ian Khama gedagvaar om voor die hof in Botswana te verskyn. Die voormalige staatshoof word onder meer van die onwettige besit van ’n vuurwapen aangekla. Die saak dateer terug na 2016.[6]
Persoonlike lewe
wysigIan Khama is die eersgebore seun en tweede kind van Sir Seretse Khama (1 Julie 1921 – 13 Julie 1980), wat die land se voorste onafhanklikheidsleier en President vanaf 1966 tot 1980 was, en Lady Khama. Hy is in Chertsey, Surrey, gebore, gedurende die tydperk waarin sy pa verban is na die Verenigde Koninkryk as gevolg van teenstand deur die koloniale regering en die opkomende apartheidsregime in Suid-Afrika teen sy huwelik met 'n wit vrou.
Hy is ook die kleinseun van Sekgoma II (1869–1925), wat die opperhoof van die Bamangwato-volk was, en die agterkleinseun van Khama III (1837–1923), hul koning; en die agteragterkleinseun Kgosikgolo Sekgoma I, die hoof van die Bamangwato-volk (1815–1885). Die naam "Seretse" beteken "die klei wat saambind", en is aan sy pa gegee om die onlangse versoening van sy pa en oupa te vier; hierdie versoening verseker Seretse Khama se opvolging op die troon toe sy oupa in 1925 oorlede is. Seretse Khama Ian Khama is na sy vader genoem om hierdie historiese nalatenskap voort te sit. Hy is ook net as Ian Khama bekend om tussen homself en sy vader te onderskei. Tshekedi Khama II, Ian Khama se broer, is na hul groot oom, Tshekedi Khama, genoem wat die regent en voog was van Seretse Khama, die eerste President van Botswana.
Verwysings
wysig- ↑ (en) "President Khama has a new official name". Mmegi Online. 11 Februarie 2016. Besoek op 18 Julie 2017.
- ↑ (en) "True to tradition, Khama is born to rule Botswana", Sapa-AFP (Pretoria News), 1 April 2008.
- ↑ (en) "This former African president stands out — and not just because he once crashed an air force plane". Los Angeles Times. 1 April 2018. Besoek op 19 Julie 2020.
- ↑ (en) "President Mokgweetsi Masisi holds on to power in Botswana poll". Financial Times. 25 Oktober 2019. Geargiveer vanaf die oorspronklike op 27 Februarie 2020. Besoek op 19 Julie 2020.
- ↑ (en) "Ian Khama, Masisi feud hits alarming levels – coup possible in Botswana?". bulawayo24.com. 3 Februarie 2019. Geargiveer vanaf die oorspronklike op 30 April 2020. Besoek op 19 Julie 2020.
- ↑ (en) justice/ Africannews[dooie skakel].
Eksterne skakels
wysig
Wikimedia Commons het meer media in die kategorie Ian Khama.
| Voorafgegaan deur Festus Mogae |
President van Botswana 2008–2018 |
Opgevolg deur Mokgweetsi Masisi |
| Voorafgegaan deur Festus Mogae |
Adjunkpresident van Botswana 1998–2008 |
Opgevolg deur Mompati Merafhe |
| Presidente van Botswana | ||
| 1966– | Seretse Khama | Quett Masire | Festus Mogae | Ian Khama | Mokgweetsi Masisi | Duma Boko | |