Wikipedia

Inligtingstegnologieleër van Oekraïne

vrywilligersgroep vir kuberoorlogvoering

Die Inligtingstegnologieleër van Oekraïne, (Oekraïens: IT-армія України, Engels: The IT Army of Ukraine) is 'n vrywillige kuberoorlogvoeringorganisasie wat aan die einde van Februarie 2022 geskep is om vir Oekraïne te veg teen digitale indringing van Oekraïense inligting en die kuberruim ná die begin van die Russiese inval in die Oekraïne op 24 Februarie 2022.[1][2] Die groep voer ook offensiewe kuberoorlogvoering-operasies uit en die Oekraïense regering se kuberbeampte, Victor Zhora, het gesê sy aangewese kuberkrakers sal slegs militêre teikens aanval.[3]

Vorming

wysig

Op 26 Februarie 2022 het die Minister van Digitale Transformasie en Eerste Adjunk Eerste Minister van Oekraïne, Mykhailo Fedorov, die skepping van die IT-leër aangekondig.[4]

Volgens Reuters het die Oekraïense regering vrywilligers van die land se kuberkraker-onderwêreld versoek om kritieke infrastruktuur te help beskerm en kuberspioenasiemissies teen Russiese troepe uit te voer. Yegor Aushev, die medestigter van 'n Oekraïense kuberveiligheidsfirma, het geskryf: "Oekraïnse kubergemeenskap! Dit is tyd om betrokke te raak by die kuberverdediging van ons land," en vra kuberkrakers en kuberveiligheidskenners om 'n aansoek in te dien wat hul spesialiteite, soos skadelike programatuur-ontwikkeling, en professionele verwysings beskryf.[1]

Doelwitte

wysig

Die vrywilligers wat by die groep aangesluit het, word in offensiewe en defensiewe kubereenhede verdeel. Terwyl die offensiewe vrywilligerseenheid die Oekraïne se militêre magte sou help om digitale spioenasie-operasies teen invallende Russiese magte uit te voer, sou die verdedigingseenheid aangewend word om infrastruktuur soos kragsentrales en waterstelsels te verdedig.[1]

Die Oekraïense regering het Twitter en Telegram gebruik om 'n lys van Russiese en Belarusiese teikens te deel vir die leër om aan te val.[5] Russiese losprysware-operateurs het gereageer deur hul hulp aan te bied om die Oekraïense poging teë te werk.[6]

Aktiwiteite

wysig
  • Fedorov het die hulp van kuberspesialiste versoek en 'n tweet op Telegram gedeel met 'n lys van 31 webwerwe van Russiese sake- en staatsorganisasies[7][8][4]
  • Op 28 Februarie 2022 het die IT-leër die webwerf van die Moskouse Aandelebeurs ontoeganklik gemaak. Die IT-leër het berig dat dit hulle net vyf minute geneem het om die webwerf ontoeganklik te maak.[9][10][11]
  • Op dieselfde dag het die IT-leër die webwerf van Sberbank, die grootste bank in Rusland, gekraak. Die IT-leër het ook aanvalle op ander Russiese en Belarussiese webwerwe geloods, insluitend die regeringswebwerwe van Rusland en Belarus, die RFD en die Belarussiese staatsnuusagentskap BelTA, onder andere.[8][12]
  • Volgens Reuters teiken die groep Russiese kragnetwerke en spoorweë om te verhoed dat Russiese infrastruktuur Oekraïne bereik.[13] Dit het tegnologie soos GLONASS ingesluit.[13]
  • Aghonderd Russiese webwerwe, insluitend Roscosmos, is van 27 Junie tot 10 Julie deur die Inligtingstegnologie Leër van Oekraïne aangeval. Hulle het gelukwensingsboodskappe aan die Oekraïense Grondwetdag op daardie webwerwe geplaas. Daarbenewens het verspreide ontkenningsaanvalle wat deur die Inligtingstegnologie Leër van Oekraïne uitgevoer is, die Russiese vermoë om vir lang tydperke op sommige CRM-stelsels te werk, lamgelê.[14]
  • Ministerie van Digitale Transformasie het berig oor kuberaanvalle op meer as 6000 Russiese webhulpbronne in die tydperk van 26 Februarie tot 30 Julie. [15]
  • In September 2022 het die groep glo met Anonymous saamgewerk om kuberaanval teen Yandex Taxi se stelsels uit te voer, wat 'n verkeersknoop in Moskou veroorsaak het. [16]
  • Die groep het beweer dat hulle by die webwerf van Wagner-groep ingebreek het en hulle persoonlike data gesteel het. Op die ontsierde webwerf is foto's van dooie soldate gewys. [17]
  • Op 7 Oktober het Inligtingstegnologie Leër van Oekraïne die webwerf van die Sentrale Veiligheidverdragorganisasie ingebreek het ,en die Russiese president met sy verjaardag gelukgewens het. [18]

Verwysings

wysig
  1. ↑ 1,0 1,1 1,2 Schectman, Joel; Bing, Christopher (25 Februarie 2022). "EXCLUSIVE Ukraine calls on hacker underground to defend against Russia". Reuters. Besoek op 3 Maart 2022.
  2. ↑ Todd, Drew (25 Februarie 2022). "Anonymous Hacking Group Targets Russian Government". Besoek op 3 Maart 2022.
  3. ↑ https://www.independent.co.uk/news/ukraine-russia-kremlin-boston-hackers-b2028853.html
  4. ↑ 4,0 4,1 Pearson, James (27 Februarie 2022). "Ukraine launches 'IT army,' takes aim at Russian cyberspace". Reuters. Besoek op 3 Maart 2022.
  5. ↑ https://www.washingtonpost.com/politics/2022/03/07/putins-invasion-ukraine-didnt-rely-cyber-warfare-heres-why/
  6. ↑ https://www.politico.com/news/2022/02/25/russian-ransomware-gang-threatens-countries-ukraine-00011896
  7. ↑ ""IT army of Ukraine 2022"". Telegram. Besoek op 3 Maart 2022.
  8. ↑ 8,0 8,1 Goodin, Dan (1 Maart 2022). "After Ukraine recruits an "IT Army," dozens of Russian sites go dark". arstechnica.com. Besoek op 3 Maart 2022.
  9. ↑ Uberti, David (28 Februarie 2022). "Hackers Target Key Russian Websites". The Wall Street Journal.
  10. ↑ Coble, Sarah (28 Februarie 2022). "Moscow Exchange Downed by Cyber-Attack". Infosecurity Group. Besoek op 3 Maart 2022.
  11. ↑ ""Disabled in 5 minutes": Ukrainians hack Moscow Stock Exchange". pravda.com.ua. 28 Februarie 2022. Besoek op 3 Maart 2022.
  12. ↑ Mott, Nathaniel (27 Februarie 2022). "Ukraine Enlists Hackers in 'IT Army' Targeting Russia, Belarus". pcmag.com. Besoek op 3 Maart 2022.
  13. ↑ 13,0 13,1 Schectman, Joel; Bing, Christopher; Pearson, James (2 Maart 2022). "Ukrainian cyber resistance group targets Russian power grid, railways". Besoek op 3 Maart 2022.
  14. ↑ "IT army attacks over 800 Russian websites in two weeks - Ministry of Digital Transformation". www.ukrinform.net (in Engels). 11 Julie 2022. Besoek op 12 Julie 2022.
  15. ↑ "За 5 місяців ІТ-армія України вивела з ладу понад 6000 ресурсів рф" (in Oekraïens). 1 Augustus 2022.
  16. ↑ "L'attacco hacker a un'app di taxi ha gettato Mosca nel caos". Wired Italia (in Italiaans). 5 September 2022. Besoek op 25 September 2022.
  17. ↑ "Pro-Ukraine Hacktivists Claim to Have Hacked Notorious Russian Mercenary Group". www.vice.com (in Engels). 20 September 2022. Besoek op 25 September 2022.
  18. ↑ "Ukrainians hacked the site of the Collective Security Treaty Organization (ОДКБ)". zoznam.sk. 8 Oktober 2022. Besoek op 8 Oktober 2022.

Eksterne skakels

wysig
Ontsluit van "https://af.wikipedia.org/w/index.php?title=Inligtingstegnologieleër_van_Oekraïne&oldid=2668593"