Eskimo-Aleoetiese tale

Die Eskimo-Aleoetiese tale is ’n taalfamilie afkomstig uit Groenland, die noorde van Kanada, Alaska en dele van Siberië. Die taalgroep word in sy geheel Inuïties genoem in Groenland, Kanada en Wes-Alaska, Yupik in Noord-Alaska en Yuit in Siberië. Die term "Eskimo" word nie deur die meeste sprekers van die taal aanvaar nie weens die negatiewe konnotasie wat aan die woord verbonde is.

Eskimo-Aleoetiese tale (Inuïtiese tale, Eskaleut)
Geografiese verspreiding:	Alaska, Noord-Kanada, Nunavik, Nunatsiavut, Groenland, Oos-Siberië
Genetiese klassifikasie:	Primêre wêreldtaalfamilie  Proto-Eskimo-Aleoetiese tale   Eskimo-Aleoetiese tale
Onderafdelings:	Eskimo Aleoeties
Dele van Alaska, Kanada en Groenland waar Eskimo-Aleoetiese tale gepraat word.

Verspreiding van Eskimo-tale in Noord-Amerika

Vanweë die geografiese skeiding van die verskillende Inuïetiese bevolkingsgroepe is die dialekte van die Eskimo-Aleoetiese tale so ver van mekaar verwyder dat baie sprekers mekaar nie meer verstaan nie. Die Aleoetiese tale het die minste sprekers; dit word nog net gepraat op die Aleoete-, Pribilof- en Komandorski-eilande in die Beringsee.

Aleoeties

Aleoeties

Wes-sentrale dialekte: Atkan, Attuan, Unangan, Bering (60–80 sprekers)

Oostelike dialekte: Unalaskan, Pribilof (400 sprekers)

Eskimo

Yupik van Sentraal-Alaska (10 000 sprekers)

Alutiiq (400 sprekers)

Yuit (Sentraal-Siberië, 300 sprekers)

Naukan (75 sprekers)

Sirenik (uitgesterf sedert 1997)

Inuïties (75 000 sprekers)

Iñupiaq (Noord-Alaska, 3 500 sprekers)

Inuvialuktun (Wes-Kanada)

Inuktitut (Oos-Kanada, 35 200 sprekers)

Kalaallisut (Groenland, 57 000 sprekers)

Verwysings

• Hierdie artikel is vertaal uit die Nederlandse Wikipedia

Eksterne skakels

• Wikimedia Commons het meer media in die kategorie Eskimo-Aleoetiese tale.
• (en) "Ethnologue: Languages of the World, Seventeenth edition, Eskimo-Aleut". Ethnologue. Besoek op 27 Maart 2018.
• (en) "Eskimo-Aleut languages". Encyclopædia Britannica. Besoek op 27 Maart 2018.