Jakkalskos
Die jakkalskos[1] (Hydnora africana Thunb.) is 'n bisarre parasitêre plant wat inheems aan Suid-Afrika is (Oos-Kaap, Noord-Kaap en KwaZulu-Natal). Dit kom ook in Namibië, Botswana en verder noord tot in Etiopië voor, orals waar dit kan parasiteer op spesies uit die genus Euphorbia, soos die beesmelkbos E. mauretanica of die naverwante E. tirucalli.[2]
| Jakkalskos | |
|---|---|
| |
| Jakkalskos in Karasburg distrik Namibië | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | |
| Spesie: | H. africana
|
| Binomiale naam | |
| Hydnora africana Thunb.
| |
Die plant het nóg blare nóg chlorofiel, en bestaan gewoonlik net uit ondergrondse wortels wat aan die gasheer se wortels heg. Ná volop reën kom die blomme uit die grond te voorskyn. Dit lyk soos swamme en die Sweedse botanis Carl Peter Thunberg het dit oorspronklik in 1774 as 'n swamspesie uit die genus Hydnus beskryf. Later is die naam na Hydnora verander. Die blomme het 'n opvallende rooi of oranje kleur. Hulle versprei 'n lykreuk wat aaskewers trek.
Die plant se vrugte is ongeveer 80 mm in deursnee en bevat 20 000 klein saadjies per vrug wat deur 'n soet jellie omgewe word. Ystervarke, molle, bobbejane, jakkalse en voëls vreet daarvan en versprei die saadjies in hul uitwerpsels.[3]
Verwysings
wysig- ↑ ook: bobbejaanskos, kannip, kaw-imp
- ↑ "SANBI" (in Engels). Geargiveer vanaf die oorspronklike op 20 September 2015.
- ↑ "PlatZAfrica" (in Engels). Geargiveer vanaf die oorspronklike op 22 Desember 2016. Besoek op 11 November 2016.
Eksterne skakels
wysig
Wikimedia Commons het meer media in die kategorie Jakkalskos.
