Jana Luther
Jana Luther is ’n leksikograaf en teksredakteur wat spesialiseer in Afrikaans. Sy het in Johannesburg grootgeword, aan die Randse Afrikaanse Universiteit studeer en in 1991 'n MA-graad (Afrikaans en Nederlands) met lof behaal.[1][2][3]
Jana Luther | |
|---|---|
 Jana Luther | |
| Nasionaliteit | Suid-Afrika |
| Beroep | Leksikograaf |
Sy werk sedert 2019 as mederedakteur aan die Woordeboek van die Afrikaanse Taal. Sy dien van 2013 af in die Taalkommissie (van 2019 af as sekretaris) en werk af en toe as fiksieredakteur, herskrywer en vertaler vir verskillende uitgewers. Van 1991 tot 1995 was sy jeugboekredakteur en daarna woordeboekredakteur by Tafelberg Uitgewers. Van 1996 tot 2006 werk sy bedags as woordeboekmaker by Pharos en saans en Sondae gereeld as nasienredakteur in die nagkantoor van Die Burger. Van 2007 tot 2017 was sy voltyds redakteur van die sesde uitgawe van die Handwoordeboek van die Afrikaanse Taal (HAT 6) by Pearson SA. In haar vrye tyd lees sy, skryf ’n tweeweeklikse rubriek vir Beeld en Netwerk24 en versamel en bewerk intyds nuwe woorde, betekenisse, uitdrukkings, asook ouer vorme wat nog nie elders opgeneem is nie, in die Woordeboek van Afrikaans Vandag.
Verwysings
wysigEksterne skakels
wysig- Jana Luther op Twitter.