Johan Andreas dèr Mouw

Nederlandse digter en filosoof

Johan Andreas dèr Mouw (24 Julie 18638 Julie 1919) was 'n Nederlandse digter en filosoof. Hy het gebruik gemaak van die skuilnaam Adwaita. Slegs 'n paar van Dèr Mouw se gedigte is tydens sy lewe in letterkundige joernale gepubliseer.

Johan Andreas Dèr Mouw
Gebore(1863-07-24)24 Julie 1863
Westervoort
Sterf08 Julie 1919 (op 55)
NasionaliteitNederlands
Alma materUniversiteit van Leiden
Beroeponderwyser, digter
Webwerfwww.biografischportaal.nl/persoon/07166714

Lewe en loopbaan wysig

Dèr Mouw is gebore in Westervoort. Sy vader, Jacob Cornelis der Mouw, (oorspronklik Dermauw) was vir 'n kort tydjie 'n versekeringsagent en boekhandelaar; sy moeder, Anna Elisabeth Zillinger was direkteur van 'n skool in Deventer. Dèr Mouw het die Gymnasium (skool) in Deventer bygewoon en vanaf 1883 tot 1887 aan die Universiteit van Leiden studeer, waar hy Grieks, Latyn, Sanskrit en filosofie geneem het. Na sy graduasie het Dèr Mouw 'n pos as onderwyser aan die Gimnasium in Doetinchem gekry.

Hy het sy doktorale proefskrif (Quomodo Antiqui Naturam mirati sunt?)in 1890 verdedig aan die Universiteit van Leiden. In 1893 trou Dèr Mouw met Hendrika van Enst. Hul stiefdogter, Teuntje Vink, is later herdoop tot Hetty der Mouw. Dèr Mouw se vriendskap met die seun van die skoolhoof van die Gimnasium in Doetinchem het tot konflik gelei. Hy is gedagvaar en skuldig bevind omdat hy die skoolhoof beledig het. (Sy prokureur was Pieter Jelles Troelstra). In die loop van die skandaal het Dèr Mouw probeer om selfmoord te pleeg. Daarna het Dèr Mouw in 1904 na Rijswijk verhuis, en later na Den Haag, waar hy sy gesin onderhou het deur privaat onderrig te gee. Hy het die res van sy lewe gewy aan die skryf van poësie en die bestudering van filosofie. Hy het twee boeke oor filosofie gepubliseer, met spesifieke aandag aan Hegel.

Poësie wysig

Die poësie van Dèr Mouw is uniek omdat hy daarin slaag om sy mistieke siening van die wêreld in duidelike woorde, wat 'n aardse aantrekkingskrag bevat, uit te druk. Dèr Mouw het enkele van sy gedigte in letterkundige tydskrifte gepubliseer, en is onmiddellik deur skrywers soos Frederik van Eeden en Albert Verwey as 'n belangrike digter erken. Digters soos P.C. Boutens en J.H. Leopold het sy belangstelling vir die oosterse mistisisme gedeel. Dèr Mouw is dood voordat sy eerste boek, Brahman I, gepubliseer is. Dit is binne enkele weke na sy dood in Julie 1919 gepubliseer.

Die briewe en manuskripte van J.A. Dèr Mouw word in die Nederlands Letterkundig Museum in Den Haag bewaar.

Publikasies (keur) wysig

  • (nl) J.A. Dèr Mouw: Verzamelde Werken (vol. 1-6). (Ed. by Victor van Vriesland). Amsterdam, G.A. van Oorschot, 1947-1949
  • (in Latin) J.A. Dèr Mouw: Quomodo Antiqui Naturam mirati sunt? Daventriae, Kreunen, 1890
  • (en) J.A. Dèr Mouw: I'm Brahman. 15 sonnets. (Transl.: Paul Claes). Sonnega, Regulieren Uitgeverij, 1999
  • (en) Two translations by Tanis Guest, in: 'I'll Call You God, You Powers’ Fifteen Poems Selected by Jozef Deleu' In: The Low Countries, vol. 10 (2002) & in: 'Solid and Volatile Twelve Poems Selected by Jozef Deleu' In: The Low Countries. vol. 11 (2003). (Resp.: I'm a Brahmin & Dull violet is the west (both transl. by Tanis Guest)
  • (nl) Johan Andreas dèr Mouw : Zes gedichten / Six poems. Transl. into English by John Irons. Bredevoort, Poëziecentrum Nederland & Dèr Mouwgenootschap, 2013. No ISBN

Eksterne skakels wysig