Johan Kapp

Johan Kapp is ’n Suid-Afrikaanse dramaturg en skrywer.

Lewe en werk

Johan Kapp is in Port Elizabeth gebore. In Afrikaans is hy veral bekend vir die drama “Laat-Februarie 1922”, wat in 1983 eers deur SUKOVS opgevoer is en daarna deur KRUIK. Dit word ook in die versamelbundel “Rostrum” opgeneem. Die drama behandel die mynstakings van 1922, waar die hoofkarakter Niklaas en sy ouers van die plaas na die stad verhuis. Hier kry Niklaas werk by die myn en raak betrokke by die stakings, met noodlottige gevolge. Ten spyte van hierdie agtergrond is die drama nie net plek en tyd gebonde nie, maar spreek dit die universele stryd van die werker teen die geldbaronne aan. “Met Felix Hatting” is ’n ongepubliseerde drama. Hy skryf ook kortverhale en “Die pyn” word in Tydskrif vir Letterkunde gepubliseer.

Hy lewer ook verskeie werke in Engels, insluitende die dramas “Duze”, “The homecoming”, “Starring Felix Abbott” en “Al”. Die manuskripte van hierdie dramas word bewaar deur die National English Literary Museum (NELM) in Grahamstad.

Bronne

Boeke

• Van Coller, H.P. (red.) “Perspektief en Profiel Deel I” J.L. van Schaik-Uitgewers Pretoria Eerste uitgawe 1998

Internet

• Esat: http://esat.sun.ac.za/index.php/Johan_Kapp
• Esat: http://esat.sun.ac.za/index.php/Laat-Februarie_1922