Wikipedia

Johann Löwenthal

Johann Jacob Löwenthal (Hongaars: Löwenthal János Jakab; 15 Julie 1810 – 24 Julie 1876)[1] was 'n professionele skaakmeester. Hy was onder die top drie spelers van die 1850's.[2]

Biografie wysig

 
Skaakkampioene by die Skaak byeenkoms, Leamington, 25 Junie 25 1855.

Löwenthal is in Boedapest gebore, as die seun van 'n Joodse handelaar. Hy is by die gimnasium van sy geboortestad opgevoed. In 1846 het hy 'n wedstryd teen Carl Hamppe in Wene gewen (met vyf oorwinnings, vier verliese en geen gelykop wedstryde nie). Hy het in 1848 'n siviele aanstelling onder die administrasie van Lajos Kossuth ontvang. Met die ondergang van laasgenoemde is Löwenthal uit Hongarye verdryf, en hy het in 1849 na Amerika geëmigreer. In 1851 is hy na Londen en het daarna permanent in Engeland gewoon. By die Manchester-toernooi van 1857 het Löwenthal Adolf Anderssen vir die eerste plek verslaan.[3]

 
Morphy vs. Löwenthal, 1858.

Tydens sy 1850-besoek aan New Orleans het Löwenthal by twee afsonderlike geleenthede teen Paul Morphy te staan gekom en altesaam drie wedstryde agtereenvolgend verloor. Hy was een van die eerste meesters wat 'n wedstryd teen Morphy gespeel het ná laasgenoemde se aankoms in Londen in 1858. Morphy het gewen met 'n telling van nege oorwinnings, drie nederlae en twee gelykopuitslae. "...Ek is oortuig daarvan dat ek deur superieure krag oorwin is," het Löwenthal oor die wedstryd gesê, soos berig deur 'n Engelse skrywer genaamd Frederick Edge, wat breedvoerig oor Morphy en ander bekende spelers geskryf het in 'n boek genaamd The Exploits and Triumphs, in Europa, van Paul Morphy, die skaakkampioen. As gevolg van die bewussyn dat skaak Löwenthal se enigste bron van inkomste en bestaan was, en tesame daarmee die impuls om nie self as 'n professionele speler beskou te word nie, het Morphy, nadat hy die wedstryd van £100 gewen het, 'n geskenk van meubels ter waarde van £120 vir sy nuwe huis aan Löwenthal gegee.

Enkele dae na sy nederlaag teen Morphy, het Löwenthal sy grootste sukses bereik deur uitklop-toernooi van die Britse Skaak Assosiasie Kongres in Birmingham, Engeland, op 27 Augustus 1858 te wen. Sy prys was £63.

In 1860 het Löwenthal gebruik gemaak van Morphy se uiterste gewildheid om 'n versameling van die Amerikaanse meesterspele met die titel Morphy's Games of Chess te skep. Volgens Morphy se biograaf David Lawson was Morphy vriendelik teenoor Löwenthal en het daarom ingestem om sy naam te teken op materiaal in die boek, wat na bewering deur Morphy geskryf is, maar wat in werklikheid nie was nie.

Löwenthal het vir 'n tyd lank as klubsekretaris van die St. George's-skaakklub in Londen gedien. Hy het skaaklesse aangebied en die eerste demonstrasiebord uitgevind. Hy het gehelp om 'n internasionale toernooi in 1862 te organiseer, en het toe 'n toernooiboek gepubliseer.

 
Charles Stanley (links) en John Turner (regs) gedurende hulle skaakspel in Washington, 1850, - staande is J. J. Löwenthal.

Löwenthal was vir 'n geruime tyd skaakredakteur van The Illustrated News of the World en van The Era. Hy was ook redakteur van The Chess Players' Magazine (1863–1867). In 1860 publiseer hy Morphy's Games of Chess, with Analytical and Critical Notes. [4]

Toe Löwenthal in 1874 siek word en homself nie meer finansieel kon onderhou nie, is 'n kollekte vir hom opgeneem. Lord Randolph Churchill en vele ander het bygedra tot die liefdadigheidsfonds. Onder die invloed van WG Ward, saam met wie hy skaak gespeel het, het Löwenthal 'n Rooms-Katoliek geword. [5] Hy is op 24 Julie 1876 op St. Leonards-on-Sea, naby Hastings, op die ouderdom van 66 oorlede.

Sien ook wysig

  • Lys van Joodse skaakspelers

Verwysings wysig

  1. ↑ Gaige, Jeremy (1987), Chess Personalia, A Biobibliography, McFarland, pp. 256–7, ISBN 0-7864-2353-6 
  2. ↑ Hooper & Whyld (1996).
  3. ↑ Johann Jacob Loewenthal vs Adolf Anderssen: https://www.chessgames.com/perl/chessgame?gid=1019037
  4. ↑ Jacobs, Joseph; Porter, A. (1901–1906), "Löwenthal, Johann Jacob", in Singer, Isidore, Jewish Encyclopedia, 8, pp. 195–6, http://www.jewishencyclopedia.com/view.jsp?artid=589&letter=L 
  5. ↑ Johann Jacob Loewenthal: https://www.chessgames.com/player/johann_jacob_loewenthal.html?kpage=1

Verdere leeswerk wysig

  • British Chess Magazine, 1926, bladsye 345–8, en 1976, bladsye 308–14
  • Seccombe, Thomas (1893). "Loewenthal, Johann Jacob". In: Lee, Sidney (ed.). Dictionary of National Biography, Vol. 34. London: Smith, Elder & Co.

Biography. Vol. 34. London: Smith, Elder & Co. skakels wysig

  • Works by or about Johann Löwenthal at Internet Archive
  • Johann Lowenthal player profile and games at Chessgames.com
Ontsluit van "https://af.wikipedia.org/w/index.php?title=Johann_Löwenthal&oldid=2657088"