John Bolton
John Robert Bolton (gebore 20 November 1948 in Baltimore, Maryland) is 'n Amerikaanse prokureur, politieke kommentator, konsultant (in diens van die Republikeinse Party), regeringsamptenaar en vroeëre diplomaat wat van 9 April 2018 tot 10 September 2019 die amp van 27ste Nasionale Veiligheidsadviseur van die Verenigde State beklee het.
| John Bolton | |
 | |
27ste Nasionale Veiligheidsadviseur van die Verenigde State
| |
| Ampstermyn 9 April 2018 – 10 September 2019 | |
| Vise | Nadia Schadlow Ricky L. Waddell Mira Ricardel Charles Kupperman |
|---|---|
| President | Donald Trump |
| Voorafgegaan deur | H.R. McMaster |
| Opgevolg deur | Charles Kupperman (waarnemend) |
25ste Ambassadeur van die Verenigde State in die Verenigde Nasies
| |
| Ampstermyn 2 Augustus 2005 – 31 Desember 2006 | |
| President | George W. Bush |
| Voorafgegaan deur | John Danforth |
| Opgevolg deur | Zalmay Khalilzad |
3rde Adjunkminister van Buitelandse Sake vir Wapenbeheer en Internasionale Veiligheid
| |
| Ampstermyn 11 Mei 2001 – 31 Julie 2005 | |
| President | George W. Bush |
| Voorafgegaan deur | John D. Holum |
| Opgevolg deur | Robert Joseph |
18de Assistentminister van Buitelandse Sake vir Internasionale Organisasies
| |
| Ampstermyn 22 Mei 1989 – 20 Januarie 1993 | |
| President | George H. W. Bush |
| Voorafgegaan deur | Richard S. Williamson |
| Opgevolg deur | Douglas J. Bennet |
Minister van Justisie vir die Siviele Afdeling
| |
| Ampstermyn 1988 – 1989 | |
| President | Ronald Reagan |
| Voorafgegaan deur | Richard K. Willard |
| Opgevolg deur | Stuart M. Gerson |
Adjunkminister van Justisie vir die Kantoor van Wetgewende Sake
| |
| Ampstermyn 1985 – 1988 | |
| President | Ronald Reagan |
| Voorafgegaan deur | Robert A. McConnell[1] |
| Opgevolg deur | Thomas M. Boyd[2] |
Assistentadministrateur vir die Agentskap vir Internasionale Ontwikkeling vir Program- en Beleidkoördinasie
| |
| Ampstermyn 1982 – 1983 | |
| President | Ronald Reagan |
| Voorafgegaan deur | Alexander Shakow[3] |
| Opgevolg deur | Richard A. Derham[4] |
Persoonlike besonderhede
| |
| Gebore | 20 November 1948 |
| Eggenoot/-note | Christine Bolton (∞ 1972, geskei in 1983) Gretchen Smith Bolton (∞ datum onbekend) |
| Kind(ers) | Jennifer Sarah |
| Alma mater | Yale-universiteit (BA summa cum laude, JD) |
| Religie | Lutheranisme |
Bolton is 'n gewese senior vennoot van die American Enterprise Institute (AEI) en kommentator vir die nuuskanaal Fox News Channel. Hy was adviseur oor buitelandse beleid vir Mitt Romney, die Republikeinse Party se kandidaat vir die presidensiële verkiesing van 2012. Bolton was betrokke by 'n verskeidenheid konserwatiewe organisasies, waaronder die Gatestone Institute waar hy tot Maart 2018 as voorsitter gefungeer het, en as 'n direkteur vir die Projek vir die Nuwe Amerikaanse Eeu (Project for the New American Century) wat vir die militêre intervensie in Irak gepleit het.
Bolton word deur politieke opponente as oorlogsvalk beskryf, onder meer weens sy steun vir regimeverandering in Iran, Sirië, Libië, Venezuela, Kuba, Jemen en Noord-Korea. Ondanks sy betrokkenheid by organisasies wat as «neokonserwatief» bestempel word, hou Bolton nie daarvan om as aanhanger van hierdie stroming binne die Amerikaanse politiek gekategoriseer te word nie.
Bolton het hom as 'n kenner van Britse politiek voorgedoen en het persoonlike kontak met 'n verskeidenheid Britse politici. Die Verenigde Koninkryk (VK) se onttrekking uit die Europese Unie geniet sy entoesiastiese steun. So het hy 'n omvattende bilaterale handelsooreenkoms in die vooruitsig gestel.[5] Kritiese Britse kommentatore vrees dat Bolton se ware agenda een of ander soort regimeverandering in die VK was wat die land se internasionale status tot dié van 'n Amerikaanse vasalstaat sou laat daal.[6]
John Bolton kom uit 'n beskeie agtergrond. Hy is gebore as seun van Virginia Clare, 'n huisvrou, en haar eggenoot Jack Bolton, 'n brandweerman in Baltimore. Hy het die grootste gedeelte van sy kinderjare in Yale Heights, 'n werkersklasbuurt in Baltimore se Suidwesdistrik, deurgebring. Hy was 'n briljante leerder wat 'n beurs verwerf het om aan die prestigieuse McDonough-skool in Owings Mills, Maryland te studeer.
Op 10 September 2019 het president Donald Trump aangekondig dat John Bolton van sy pos as nasionale veiligheidsadviseur onthef sal word. Blykbaar was daar meningsverskille oor baie van Bolton se voorstelle.[7]
Bolton publiseer sy outobiografie in Junie 2020, getiteld The Room Where It Happened. [8]
Verwysings
wysig- ↑ "PN690 – Nomination of John R. Bolton for Department of Justice, 99th Congress (1985–1986)". www.congress.gov (in Skotse Gallies). 16 Desember 1985. Geargiveer vanaf die oorspronklike op 11 Februarie 2020. Besoek op 22 Julie 2018.
- ↑ "PN1250 – Nomination of Thomas M. Boyd for Department of Justice, 100th Congress (1987–1988)". www.congress.gov (in Skotse Gallies). 14 Oktober 1988. Geargiveer vanaf die oorspronklike op 11 Februarie 2020. Besoek op 22 Julie 2018.
- ↑ "Ronald Reagan: Nomination of John R. Bolton To Be an Assistant Administrator of the Agency for International Development". www.presidency.ucsb.edu (in Engels). Geargiveer vanaf die oorspronklike op 12 Julie 2018. Besoek op 22 Julie 2018.
- ↑ "Ronald Reagan: Nomination of Richard A. Derham To Be an Assistant Administrator of the Agency for International Development". www.presidency.ucsb.edu (in Engels). Geargiveer vanaf die oorspronklike op 22 Julie 2018. Besoek op 22 Julie 2018.
- ↑ CNN Politics, 12 Augustus 2019: Bolton pushes for Brexit, telling UK officials ‘we are with you’. Besoek op 13 Augustus 2019
- ↑ Simon Tisdall: John Bolton doesn’t want a trade deal with the UK – he wants to colonise us. In: The Guardian, 13 Augustus 2019. Besoek op 14 Augustus 2019
- ↑ The Washington Post, 10 September 2019: Bolton out as national security adviser after clashing with Trump. Besoek op 10 September 2019
- ↑ Baker, Peter (17 Junie 2020). "Bolton Says Trump Impeachment Inquiry Missed Other Troubling Actions". The New York Times. Besoek op 17 Junie 2020.
| Wikimedia Commons bevat media in verband met John R. Bolton. |