Joseph Goebbels
Paul Joseph Goebbels (29 Oktober 1897 in Rheydt – 1 Mei 1945 in Berlyn) was een van die bekendste en invloedrykste Duitse politici in die tyd van die Nasionaal-Sosialisme en een van Adolf Hitler se naaste vertrouelinge.
| Joseph Goebbels | |
 | |
Kanselier van Duitsland
| |
| Ampstermyn 30 April 1945 – 1 Mei 1945 | |
| President | Karl Dönitz |
|---|---|
| Voorafgegaan deur | Adolf Hitler |
| Opgevolg deur | Lutz Graf Schwerin von Krosigk (waarnemend) |
Minister vir Volksvoorligting en Propaganda
| |
| Ampstermyn 13 Maart 1933 – 30 April 1945 | |
| Eerste minister | Adolf Hitler |
| Voorafgegaan deur | Amp gesskep |
| Opgevolg deur | Werner Naumann |
Gauleiter van Berlyn
| |
| Ampstermyn 9 November 1926 – 1 Mei 1945 | |
| Voorafgegaan deur | Ernst Schlange |
| Opgevolg deur | Amp afgeskaf |
Reichsleiter
| |
| Ampstermyn 1933 – 1945 | |
| Voorafgegaan deur | Amp geskep |
| Opgevolg deur | Amp afgeskaf |
Persoonlike besonderhede
| |
| Gebore | 29 Oktober 1897 Rheydt, Koninkryk Pruise, Duitse Keiserryk |
| Sterf | 1 Mei 1945 Berlyn, Nazi-Duitsland |
| Politieke party | Nasionaal-Sosialistiese Duitse Arbeidersparty |
| Eggenoot/-note | Magda Ritschel |
| Kind(ers) | 6 |
| Alma mater | Universiteit van Bonn Universiteit van Würzburg Universiteit van Freiburg Universiteit van Heidelberg |
| Handtekening | 
|
As Gauleiter (plaaslike partyleier) van Berlyn ('n amp wat hy sedert 1926 beklee het) en as Reichspropagandaleiter het hy vanaf 1928 'n beslissende rol by die Nasionaal-Sosialistiese Duitse Arbeidersparty (NSDAP) se uitbreiding in die laaste fase van die Republiek van Weimar gespeel. Tussen 1933 en 1945 het hy as ryksminister vir volksvoorligting en propaganda en as leier van die Reichskulturkammer gefungeer. Sodoende was hy in staat om die Duitse perswese, uitsaaidienste, rolprentvervaardiging en die hele kultuurbedryf in die gees van die Nasionaal-Sosialisme te herorganiseer.
Met sy doeltreffende propaganda het Goebbels 'n breë massa van die Duitsers aangespreek en groot geesdrif vir Hitler en sy Nasionaal-Sosialistiese gedagtes gewek. Tydens die Tweede Wêreldoorlog was hy mede-verantwoordelik daarvoor dat die bevolking selfs ná die strawwe wending van die oorlog laat in 1942 steeds bereid was om Hitler se doelwitte te steun. As gevolmagtigde vir die totale oorlogsinspanning het hy vanaf Julie 1944 daarvoor gesorg dat nog eens honderdduisende weerbare mans tot krygsdiens opgeroep is.
Met sy anti-semitiese propaganda het Goebbels die pad vir die moord op ses miljoen Europese Jode berei en die pogroms ontketen wat op 9 November 1938 dwarsoor Duitsland plaasgevind het. Tydens die oorlog het steeds weer die deportasie van Joodse burgers geëis, selfs al het hy geweet dat hulle na verdelgingskampe vervoer is.
Sy uitvoerige dagboeke, wat hy vanaf 1924 tot en met die dag van sy selfmoord in 1945 gehou het, word as 'n belangrike bron vir die geskiedenis van die NSDAP en die Derde Ryk beskou.
Bronne
wysig- Balfour, Michael (1979). Propaganda in War, 1939–1945: Organisations, Policies, and Publics, in Britain and Germany. Routledge & Kegan Paul. ISBN 978-0-7100-0193-1.
- Beevor, Antony (2002). Berlin: The Downfall 1945. London: Viking-Penguin Books. ISBN 978-0-670-03041-5.
- Carsten, F. L. (1989). "The Goebbels Diaries". The Historical Journal. 32 (3): 751–756. doi:10.1017/S0018246X00012553. ISSN 0018-246X. JSTOR 2639546. S2CID 162978039.
- "Joseph Goebbels with family. Picture 146-1978-086-03". Bundesarchiv. 1940–1942. Besoek op 9 Augustus 2020.
- "Datenbank der deutschen Parlamentsabgeordneten. Basis: Parlamentsalmanache/Reichstagshandbücher 1867 – 1938". www.reichstag-abgeordnetendatenbank.de. Besoek op 18 September 2020.
- Dollinger, Hans (1967) [1965]. The Decline and Fall of Nazi Germany and Imperial Japan. New York: Bonanza. ISBN 978-0-517-01313-7.
- Evans, Richard J. (2005). The Third Reich in Power. New York: Penguin. ISBN 978-0-14-303790-3.