Judy Page
Judy Page is ’n Suid-Afrikaanse aktrise en sangeres wat veral in kabaret en musiekblyspele opgetree het.
Judy Page | |
|---|---|
| Gebore | 1938 |
| Genres | Jazz, ballades, kabaret |
| Beroep(e) | Sangeres, aktrise |
| Instrumente | Stem |
| Jare aktief | 1960 tot hede |
Loopbaan wysig
Sy het in die 1960’s begin sing as ’n Big Band-sangeres. Sy het ook in jazz, ballades en kabaret uitgeblink. In die middel 1970’s het sy haar debuut gemaak in ’n musiekblyspel, Berlin to Broadway, en in 1976 het sy in The Sound of Music opgetree, waarvoor sy haar eerste van vyf Dalro-benoemings ontvang het.
Sy het ook gereeld in kabaretvertonings opgetree, veral met musiek van Jacques Brel en Édith Piaf, soos Jaques Brel is Alive and Well and Living in Paris van Taubie Kushlick tussen 1975 en 1983. In 1976 was sy in die Brickhill-Burke-produksie van The Sound of Music. Daarna het optredes gevolg in Chicago, Annie en Des en Dawn Lindberg se produksie van The Best Little Whorehouse in Texas. In 1981 het sy in ’n Kushlick-produksie, From Taubie with Love, in die Markteater gespeel. Die jaar daarna was sy in Pieter Toerien se produksie van Noël Coward se Oh Coward saam met Richard Loring.
Later in die 1980's het optredes gevolg in The King and I, Jerry’s Girls, Hello Dolly, Sun City se extravaganza Bravo en talle ander musiekopvoerings.
In 2011 tot minstens 2012 het sy die verloop van haar verhooglewe met bewonderaars gedeel in Page by Page. Sy het ook haar eie TV-reeks, Hey Jude, gehad en in die sepie Westgate gespeel.
Sy het al verskeie Sarie-toekennings gewen, asook die Golden Shure Microphone vir die beste sanger/kabaretster buite Amerika[1] en die Naledi-prys vir haar lewenslange bydrae tot musiek[2] In 2013 het sy die Showtime Award gekry vir die Optrede van die Jaar[3] vir Page by Page.
Gesin wysig
Page was vier keer getroud. Sy het ’n dogter, Kim, en seun, Warren.[4]
Verwysings wysig
- ↑ Judy Page met hartstog, liefde en warm menslikheid, Die Burger, 14 November 1987. URL besoek op 22 Februarie 2013.
- ↑ "Scintillating Judy Page is still in demand" op Artslink. Geargiveer 18 Mei 2020 op Wayback Machine URL besoek op 22 Februarie 2013.
- ↑ "Judy Page, Fiela's Child top PE Showtime Awards" op Artslink, 2 Mei 2013.[dooie skakel] URL besoek op 22 Februarie 2013.
- ↑ Van sosiale vlinder tot 'n singende non, Beeld, 8 Desember 1994. URL besoek op 22 Februarie 2013.