KV39
KV39 in die Vallei van die Konings by Thebe, naby die moderne stad Luxor in Egipte, is een van die moontlike liggings van die grafkelder van farao Amenhotep I. Dit is hoog op in die kranse geleë,[1][2] weg van die valleibodem en ander koninklike grafte. Die uitleg is uniek. Dit het twee asse, die een oos en die ander suid.
| KV39 | ||
| Die grafkelder van 'n onbekende, dalk Amenhotep I | ||
| ||
| Die plan van KV39. | ||
| Ligging | Vallei van die Konings | |
| Land |  Egipte
| |
| Ontdek | 1899 of 1900 | |
| Uitgrawings deur | Victor Loret (1899) of Macarious en Andraos (1989-'94) John Rose (1989-'94) Ian Buckley (2002) | |
| Versiering | Onversier | |
← Vorige KV38 Volgende →
KV40 | ||
Beskrywing
wysigDit lyk of die konstruksie van KV39 in drie fases plaasgevind het. Dit het aanvanklik 'n eenvoudige, reguit as gehad wat nie verder as die eerste kamer geloop het nie. In die daaropvolgende fases is 'n reeks lang, aflopende gange en treetjies na die ooste en suide gebou.
Dit is omstreeks 1900 deur óf Victor Loret[3] óf die Egiptiese uitgrawers Macarious en Andraos[4][1] ontdek, maar is nie heeltemal ondersoek nie. Uitgrawings is in 1989 en 1994 gedoen deur John Rose en dit is in 2002 verder deur Ian Buckley ondersoek. Aan die argitektuur en erdewerk lyk dit of dit in die vroeë 18de Dinastie gebou is, moontlik vir 'n koningin. Fragmente is in dele van die grafkelder gevind, maar dit is onbekend aan wie hulle behoort. KV39 se ligging voldoen dalk aan 'n beskrywing van Amenhotep I se grafkelder in die "Abbott-papirus", 'n dokument oor grafrowery, maar dit word betwis.
Die eerste uitgrawings is tussen 1989 en 1994 deur John Rose gedoen.[1] Die rotse voor die trappe is verwyder en 'n sloot is voor die grafkelder gegrawe. Daarin is miniatuurdrinkbekers ontdek met die cartouches van Toetmoses I, Toetmoses II en Amenhotep II.[5]
Ian Buckley het die grafkelder in 2002 verder ondersoek.[6] Die rotse is deur vloedwater beïnvloed en was onstabiel. Dit is in 2002 versterk om te keer dat nog water inloop.[7]
Die erdewerk kom uit die vroeë én latere 18de Dinastie.[8] Die mummies toon tekens van 'n hoë standaard van mummifisering en linne van 'n goeie gehalte is gebruik.[9]
KV39 is dalk een van die eerste grafkelders in die vallei. Sy ligging en ingang na die ooste dui op die vroeë 18de Dinastie.[10]
Moontlike eienaar
wysigDit is nie bekend vir wie die grafkelder bedoel was nie, maar gebaseer op die argitektuur was dit 'n koningin van die vroeë 18de Dinastie.[11] Weigall het in 1911 die eerste keer voorgestel dat dit vir Amenhotep I bedoel was. Hy het staatgemaak op die beskrywing van die grafkelder in die Abbott-papirus.[12][13]
Rose het voorgestel KV39 was oorspronklik die graf van die koningin of prinses Ahmose-Inhapi, en dat dit later vergroot is vir Amenhotep I se herbegrafnis. Dit is gebaseer op inskripsies op die kiste van Ramses I, Seti I en Ramses II waarvolgens hulle van KV17 verskuif is na die grafkelder van "koningin Inhapi waarin Amenhotep I lê".[11]
Verwysings
wysig- ↑ 1,0 1,1 1,2 Rose 1992, p. 28.
- ↑ Aston 2015, p. 22.
- ↑ Reeves 1990, p. 288.
- ↑ Buckley, Buckley & Cooke 2005, p. 71.
- ↑ Aston 2015, p. 34-35.
- ↑ Buckley, Buckley & Cook 2005, p. 71.
- ↑ Buckley, Buckley & Cook 2005, p. 73-74.
- ↑ Buckley, Buckley & Cook 2005, p. 80.
- ↑ Buckley, Buckley & Cook 2005, p. 79.
- ↑ Buckley, Buckley & Cooke 2005, p. 75.
- ↑ 11,0 11,1 Aston 2015, p. 35.
- ↑ Weigall 1911, p. 174-175.
- ↑ Polz 1995, p. 9.
Bronne
wysig- Aston, David A (2015). Szafrański, Z. E. (red.). "TT358, TT320 and KV39. Three Early Eighteenth Dynasty Queen's Tombs in the Vicinity of Deir el-Bahari" (PDF). Polish Archaeology in the Mediterranean: Special Studies: Deir el-Bahari Studies. 24 (2): 15–42. Besoek op 26 April 2023.
- Buckley, Ian M.; Buckley, Peter; Cooke, Ashley (2005). "Fieldwork in Theban Tomb KV 39: The 2002 Season". The Journal of Egyptian Archaeology. 91: 71–82. ISSN 0307-5133.
- Polz, Daniel (1995). "The Location of the Tomb of Amenhotep I: A Reconsideration". In Wilkinson, Richard H. (red.). Valley of the Sun Kings: New Explorations in the Tombs of the Pharaohs. United States: The University of Arizona Egyptian Expedition. pp. 8–21. ISBN 0-9649958-0-8. Besoek op 27 April 2023.
- Reeves, C.N. (1990). Valley of the Kings : the decline of a royal necropolis. London: Kegan Paul International. ISBN 0-7103-0368-8.
- Reeves, Nicholas; Wilkinson, Richard H. (1996). The Complete Valley of the Kings: Tombs and Treasures of Egypt's Greatest Pharaohs (2010 paperback uitg.). London: Thames and Hudson. ISBN 978-0-500-28403-2. Besoek op 22 April 2023.
- Rose, John (1992). "An Interim Report on Work in KV 39, September-October 1989". In Reeves, C.N. (red.). After Tut'ankhamūn: Research and Excavation in the Royal Necropolis at Thebes (2009 uitg.). pp. 28–40. ISBN 978-0-415-86171-7.
- Weigall, M. Arthur E. P. (1911). "Miscellaneous Notes". Annales du Service des Antiquités de l'Égypte. XI: 170–176. Besoek op 30 April 2023.
Skakels
wysig- Theban Mapping Project: KV39, met gedetailleerde planne van die die grafkelder.
Hierdie artikel is in sy geheel of gedeeltelik uit die Engelse Wikipedia vertaal.
