Kaaprivier

Die Kaaprivier (die Umlambongwane in Swazi) is 'n regtersytak van die Krokodilrivier in oostelike Mpumalanga, Suid-Afrika. Die rivier se bolope dreineer die breë De Kaapvallei tussen Barberton en Nelspruit. Die opvangsgebied word begrens deur die Drakensberg in die weste, die Makhonjwaberge aan die suidekant en die Krokodilpoortsberge aan die noordekant. Tussen Baviaanskop en die gehug van Noordkaap word die rivier deur die samevloeiing van die Noord- en Suidkaapriviere gevorm. Geleë op die platorand bo die vallei is Kaapsehoop, wat daarna vernoem is. Die Pride-of-De-Kaap, 'n kleurryke inheemse struik is ook na die vallei vernoem.

Kaaprivier
Die Avocabrug is in 1895 vir die Kaapmuiden-Barberton-spoorlyn opgerig Die Avocabrug is in 1895 vir die Kaapmuiden-Barberton-spoorlyn opgerig
Stroomgebied	Mpumalanga, Suid-Afrika
Monding	Kaapmuiden
Monding-hoogte	330 m
Kaaprivier
Koördinate: 25°32′20″S 31°18′43″O

Die rivier en sy bolope, aangedui in 'n kaart van 1895. Die grens met Eswatini word in kleur aangedui.

Die inwonende Pedi-mense van die vallei is tydens die mfecane deur die Swazi's aangeval en verdryf, sodat hulle noordwaarts uitgewyk het.

Takriviere

• Noordkaaprivier
  • Queensrivier
• Suidkaaprivier
• Fig Tree Creek
• Honeybird Creek

Samevloei

• 25.6657°S 31.0838°O / -25.6657; 31.0838

Monding

• 25.53891°S 31.31186°O / -25.53891; 31.31186