Kaffrarië
(Aangestuur vanaf Kaffraria)
Kaffrarië is die historiese naam vir die gebied noord van Brits-Kaffrarië, tussen die Groot-Keirivier en die Umzimkulurivier, tussen die Drakensberge en die see. Tussen 1879 en 1894 is die gebied stuk vir stuk by die Kaapkolonie ingelyf: Griekwaland-Oos en Fingoland in 1879, Port St. Johns in September 1884, Tembuland, Galekaland en Bomvanaland in 1885, Mount Ayliff in Oktober 1886 en Pondoland in September 1894. Die grootste deel van die landstreek sou die latere Transkei vorm.
