Kampsbaai

Kampsbaai is 'n voorstad en vakansieoord in Kaapstad in die Wes-Kaap, Suid-Afrika. Die voorstad is genoem na Von Camptz 'n amptenaar van die Nederlandse Oos-Indiese Kompanjie aan wie die plaas Ravensteyn, langs Kloofnek, behoort het. Kampsbaai is vroeër gebruik as 'n kuswoning vir menige vroeëre Britse Goewerneurs. The Round House, onderkant Kloofnek, was lord Charles Somerset se jaghuis. Kampsbaai was eers deel van Woodstock se munisipaliteit. Sy vooruitgang het begin met die bou van 'n tremlyn om Leeukop in 1902. Dit is sedertdien deur busse vervang. Kampsbaai het deel geword van Kaapstad in 1913 toe verskeie klein munisipaliteite saamgesmelt het. Die strand is as 'n blouvlagstrand gesertifiseer.

Kampsbaai
Voorstad
Kampsbaai vanaf Leeukop.
Kampsbaai
Koördinate: 33°57′0″S 18°23′0″O
Land	Suid-Afrika
Provinsie	Wes-Kaap
Metropolitaanse Munisipaliteit	Stad Kaapstad
Wyk	74
Stigting	~1713
Oppervlak
• Totaal	1,68 km2 (0,65 vk. myl)
Bevolking
• Totaal	2 773
• Digtheid	1 700/km2 (4 000/vk. myl)
Tydsone	UTC+2 (SAST)
Poskode	8005
Skakelkodes	021

Kampsbaai vanaf Tafelberg.

Die Twaalf Apostels, deel van die Tafelbergreeks, kyk oor Kampsbaai uit.

Verwysings

• Ensiklopedie van Suidelike Afrika. Eric Rosenthal 1967