Kassuendebrug

Die Kassuendebrug (Ponte Kassuende) is ‘n brug in Mosambiek oor die Zambezirivier.

Ligging

Die brug lê by 16° 11′ 32.42″ suid en 33° 37′ 7.71″ oos, tussen die stad Tete op die suidoewer en Benga in die Moatize-distrik op die noordoewer en skaars 6km stroomaf van die Samora Machelbrug. Dit is op die hoofpad van Zambië en Malawi na die hawe by Beira. Ook is die brug op ‘n belangrike roete tussen Harare en die noordelike dele van Mosambiek.

Brug

Weens Mosambiek se ekonomiese groei danksy die aanwesige delfstowwe (en veral die steenkoolneerslae by Moatize) het die verkeer oor die rivier baie toegeneem. Die betonbrug is gebou tussen 2011 en 2014 deur ‘n Portugese konsortium bestaande uit die firmas Mota-Engil, Soares da Costa en Opway teen ‘n koste van €105 miljoen. Alhoewel die rivier op die plek van die brug 715m breed is, is die brug 1586m lank. Dit is 148m breed en sluit ‘n voetpad aan weerskante van die brug in. Hierdie tolbrug lei die verkeer buite-om die stad Tete en verminder so die reistyd en vervoerkoste aansienlik. Sedert die opening in 2014 word geen swaarvoertuie meer op die Samora Machelbrug toegelaat nie.

Naam

Die brug dra die naam van ‘n destydse basis van FRELIMO in daardie gebied.

Lees ook

• Kruisings oor die Zambezirivier

Bibliografie

• mpoverello.com
• structurae.net