Kazungulabrug

Kazungulabrug
Kazungulabrug
Die Kazungulabrug in aanbou oor die Zambezi
Oorspan Zambezi
Ligging Kazungula
Langste spanwydte 129 m x4
Totale lengte 923 m
Openingsdatum 10 Mei 2021
Koördinate 17°47′28″S 25°15′43″O / 17.79111°S 25.26194°O / -17.79111; 25.26194

Die Kazungulabrug verbind Zambië en Botswana oor die Zambezirivier.

LiggingWysig

Hierdie brug lê by 17° 47′ 28″ suid en 25° 15′ 43″ oos en nagenoeg op die oostelike punt van die Caprivistrook van Namibië en waar die landsgrense van Namibië, Botswana, Zambië en Zimbabwe bymekaarkom.

BrugWysig

Botswana en Zambië grens hier vir slegs 150 m aan mekaar. En hierdie grens is slegs oor water. Jarelank is die grensoorgang onderneem met ‘n pont. In Augustus 2007 het die regerings van die betrokke lande besluit om die pont met ‘n brug te vervang. Om nie die grense van Namibië en Zimbabwe te oorskry nie is daar ‘n opsetlike kromming in die brug se ontwerp. Die brug is 923 m lank en 18½ m breed en dra ‘n pad, ‘n spoorlyn (vir Kaapspoor) en sypaadjies vir voetgangers.

KonstruksieWysig

Die bouprojek het op 12 Oktober 2014 begin en die brug is op 10 Mei 2021 vir verkeer oopgestel. Die konstruksie is uitgevoer deur die Japannese firma Daewoo Engineering and Construction en gefinansier deur die Japan International Cooperation Agency en die African Development Bank. Met insluiting van die bou van die grenskantore kos die projek 259,3 miljoen VSA-dollar.

GevolgeWysig

Na die ingebruikname van hierdie brug sal die verkeersstrome in Suider-Afrika waarskynlik verander. Zambië en die suidelike dele van die DRK se myne is nou deur ‘n alternatiewe roete via Francistown met die Suid-Afrikaanse hawens in Kaapstad en veral Durban verbind. Omdat die verkeer nie meer deur Zimbabwe hoef te gaan nie word minder landsgrense oorgesteek. Lang wagtye by die grensposte, veral Beitbrug, en die Kazungula-pont word uitgesny. Deur die nuwe spoorwegroete oor die brug word ook verwag dat die aantal vragmotors op die hoofpaaaie sal verminder. Ook skep die brug ‘n gerieflike roete vir toeriste in die Chobe Nasionale Park na die Victoria-waterval wat slegs 75 km van die brug geleë is.

Ander brûe oor die ZambesiWysig