Kermakultuur
Die Kermakultuur of Koninkryk Kerma was ’n vroeë sentrum van beskawing wat gesentreer was om die hoofstad, Kerma, nou in Soedan. Dit het van omstreeks 2500 v.C. tot omstreeks 1500 v.C in antieke Nubië floreer. Die Kermakultuur was in die suidelike deel van Nubië, of Bo-Nubië, en het later noordwaarts uitgebrei na Benede-Nubië en die grens met Egipte.[1]
Dit lyk of die staat een van ’n paar aan die Nylrivier was gedurende die Middelryk van Egipte. In Kerma se laaste fase, van omstreeks 1700-1500 v.C., het dit die Soedannese koninkryk Sai opgeneem en ’n taamlike groot, digbevolkte ryk geword wat met Egipte meegeding het. Omstreeks 1500 v.C. is dit in die Nuwe Ryk van Egipte opgeneem, maar rebellies het eeue lank voortgeduur. Teen die 11de eeu v.C. het die Koninkryk Koesj ontstaan, waarskynlik uit Kerma, en die gebied weer onafhanklik van Egipte gemaak.
Terrein wysig
Die terrein wat die hart van Kerma gevorm het, sluit in ’n uitgestrekte dorp en ’n begraafplaas wat uit groot grafheuwels bestaan. Die vlak van weelde op die terrein demonstreer die mag van die koninkryk, veral tydens die Tweede Oorgangstydperk, toe Kerma die suidelike grens van Egipte bedreig het.[2]
Verwysings wysig
- ↑ Hafsaas-Tsakos, Henriette (2009). "The Kingdom of Kush: An African Centre on the Periphery of the Bronze Age World System". Norwegian Archaeological Review. 42 (1): 50–70. doi:10.1080/00293650902978590.
- ↑ Hafsaas-Tsakos, H. (2010). Between Kush and Egypt: The C-Group People of Lower Nubia. pp. 393-394.
Skakels wysig
Wikimedia Commons het meer media in die kategorie Kermakultuur.
Hierdie artikel is in sy geheel of gedeeltelik uit die Engelse Wikipedia vertaal.
