Kirof-oblast
Kirof-oblast (Russies: Ки́ровская о́бласть, Kirofskaja oblast) is ’n deelgebied van Rusland. Dit lê in die Wolga- Federale Distrik en die hoofstad is Kirof.
| Kirof-oblast Кировская область | ||||
| ||||
| Die ligging van Kirof-oblast in Rusland. | ||||
| Politieke status | ||||
| Land |  Russiese Federasie
| |||
| Federale distrik | Wolga | |||
| Ekonomiese streek | Wolga-Wjatka | |||
| Stigting | 7 Desember 1934 | |||
| Regering | ||||
| Hoofstad | Kirof | |||
| Leier | Nikita Belich | |||
| Amp | Goewerneur | |||
| Wetgewer | Wetgewende Raad | |||
| Bevolking | ||||
| Sensus | 2010 | |||
| Totaal | 1 341 312 | |||
| Volgorde | 35ste | |||
| Digtheid | 11,1/km2 | |||
| Stedelik | 74% | |||
| Plattelands | 26% | |||
| Statistiek | ||||
| Oppervlakte | 120 800 km2 | |||
| Volgorde | 30ste | |||
| Tydsone | UTC+04:00 | |||
| Registrasienommer | 43 | |||
| Amptelike tale | Russies | |||
| Webtuiste | http://www.ako.kirov.ru/ | |||
| Wapen en vlag | ||||
  | ||||
| ||||
Die oblast het volgens die Russiese sensus van 2010 altesaam 1 341 312 inwoners.[1]
Geskiedenis
wysigKirof-krai is op 7 Desember 1934 gestig.[2] Dit is op 5 Desember 1936 in die Kirof-oblast omskep ná die aanvaarding van die Sowjetse grondwet van 1936.[2] Op 30 Oktober 1997 het Kirof saam met die oblaste Astrakhan, Moermansk, Oeljanofsk en Jaroslawl ’n magdelingsooreenkoms met die federale regering gesluit waarvolgens outonomie aan hulle toegeken is.[3] Die ooreenkoms is op 24 Januarie 2002 afgeskaf.[4]
Geografie
wysigDie grondslag van die krai se natuurlike hulpbronne is woude (meestal naaldbome), fosfaat, rots, veen en pelse. Daar is groot neerslae veen en niemetaalagtige minerale: kalksteen, vrugbare kleigrond, sand en gruis. Die gebied is ryk aan minerale bronne en terapeutiese modder. Nizhnejifkino is ’n dorp met ’n oord waarheen mense van oor Rusland kom vir behandeling en rus.
Die streek se 19 753 riviere is altesaam 66 650 km lank. Die grootste deel van die streek word beslaan deur die Wjatkarivierbekken. Die Wjatka is ’n sytak van die Kamarivier in Tatarstan. Ander groot riviere sluit in die Moloma, Pizjma, Loeza, Kobra en Tsjeptsa.
Daar is altesaam 4 500 mere in die oblast – die grootstes is die Aksjoeben, Orlofskoje en Moeserskoje. Die diepste meer is die Lezjninskoje (36,6 m).[5]
Demografie
wysigDie bevolkingsyfer van die Kirof-oblast volgens die Russiese sensus van 2010 is 1 341 312.[1]
Godsdiens
wysig| Russies-Ortodoks | 40.1% | |||
| Ortodoks (ander) | 1.3% | |||
| Ougelowiges | 1% | |||
| Ander Christene | 5.3% | |||
| Islam | 0.9% | |||
| Spiritueel, maar nie godsdienstig | 32.9% | |||
| Ateïsties | 13.1% | |||
| Ander of geen | 5.4% | |||
| Godsdiens in Kirof-oblast[6][7] | ||||
Volgens ’n opname in 2012[6] behoort 40,1% van die Kirof-oblast se bevolking tot die Russies-Ortodokse Kerk, 5% is Christene maar behoort nie tot ’n spesifieke denominasie nie, 1,3% is Ortodokse Christene maar behoort nie tot die Russiese Kerk nie, 1% is Ougelowiges en 0,9% is Moslems. Daarbenewens beskou 32,9% hulle as spiritueel maar nie gelowig nie, 13,1% is ateïsties en 5,4% volg ander godsdienste of het nie die vraag beantwoord nie.
Stede en dorpe
wysigVerwysings
wysig- ↑ 1,0 1,1 1,2 (ru) Оценка численности населения на 1 января 2014 года и в среднем за 2013 год Geargiveer 19 Oktober 2015 op Wayback Machine
- ↑ 2,0 2,1 Administrative-Territorial Structure of the Union Republics. 1987., p. 155
- ↑ "Yeltsin Signs Power-Sharing Agreements With Five More Russian Regions". Jamestown (in Engels (VSA)). 3 November 1997. Besoek op 2 Mei 2019.
- ↑ Chuman, Mizuki. "The Rise and Fall of Power-Sharing Treaties Between Center and Regions in Post-Soviet Russia" (PDF). Demokratizatsiya: 146.
- ↑ (ru) Кировская область в цифрах: краткий стат. сборник, Отв. Зорин Н. И., Kirof. "Территориальный орган Федеральной службы государственной статистики по Кировской области". 2009. ISBN 978-5-98214-030-2
- ↑ 6,0 6,1 "Arena: Atlas of Religions and Nationalities in Russia". Sreda, 2012.
- ↑ 2012 Arena Atlas Religion Maps. "Ogonek", № 34 (5243), 27/08/2012. Besoek op 21/04/2017. Geargiveer
Skakels
wysig- Toerisme-inligting oor Kirof-oblast op Wikivoyage
Wikimedia Commons het meer media in die kategorie Kirof-oblast.
Hierdie artikel is in sy geheel of gedeeltelik uit die Engelse Wikipedia vertaal.
