Klas 25-stoomlokomotief
Die Klas 25 is 'n tipe stoomlokomotief wat deur die Suid-Afrikaanse Spoorweë gebruik is. Hierdie lokomotiewe is ontwerp om die Klas 23-lokomotiewe op die Touwsrivier - De Aar hooflyn te vervang. Hierdie hooflyn is 550 km (345 myl) lank deur die Karoo en het destyds 'n groot waterbehoefte vir stoomtreine gehad - water wat gedurende die winter skaars kon raak. Die Klas 25 is ontwerp met 'n kondenseerder wat tot 60% water kon bespaar. Hierdie klas is toegerus met Walschaerts-klepratwerk.[4]
 Nommer 3511 op Hartswater, 24 April 1981. | |
| Tipe en oorsprong | |
|---|---|
| Kragtipe | Stoom |
| Ontwerper | Suid-Afrikaanse Spoorweë Henschel & Son |
| Vervaardiger | North British Locomotive Company Henschel & Son[1] |
| Serienommer | Enjins: 3451: Henschel 28730 [2] 3452-3540: NBL 27312-27400 [3] Stoomketels: Henschel 28770-28773 [2] Tenders: Henschel 28730, 28780-28839 [2] |
| Klas | SAR Klas 25 |
| Vervaardig | 1953[4] |
| Aantal gebou | 90 |
| Herbouer | Suid-Afrikaanse Spoorweë |
| Herboudatum | 1973-1980 |
| Aantal herbou | 87 van Klas 25 na Klas 25NC |
| Bouspesifikasies | |
| Konfigurasie | 4-8-4 "Northern" |
| Spoorbreedte | Kaapspoor |
| Wielbasis | Totaal: 28.983 m Enjin: 11.582 m Tender: 13.970 m |
| Lengte | 32.768 m |
| Hoogte | 3.962 m |
| Raamwerk | Gietstaal |
| Asbelasting | 19.6 t op die 3de dryfwiel |
| Massa op dryfwiele | 78.1 t |
| Lokomotiefmassa | 109.7 t (241 920 lb) leeg 123.0 t met vrag |
| Tendermassa | 71.8 t (158 339 lb) leeg 120.8 t met vrag |
| Gesamentlike massa | 181.5 t leeg 243.8 met vrag |
| Tendertipe | CZ kolewa met water |
| Aandrywing | |
| Brandstof | Steenkool |
| Brandstofkapasiteit | 19.3 t |
| Waterkapasiteit | 24 800 ℓ |
| Stoomketel | 1.934 m binne diameter 5.791 m binne lengte |
| Stoomketeldruk | 1 550 kPa |
| Vuurroosteroppervlak | 6.503 m2 |
| 158 buise met 63.5 mm omtrek 40 buise met 140 mm omtrek | |
| – Vuurkas | 13.564 m2 |
| 203.086 m2 | |
| Oorverhitteroppervlak | 58.529 m2 |
| Silinders | Twee |
| Silindergrootte | 610 mm (24 dm) boor 711 mm (28 dm) slag |
| Klepwerk | Walschaerts |
| Werkverrigting | |
| Trekkrag | 201.8 kN (45 360 lbk) teen 75% keteldruk |
| Lokomotiefremme | Vakuum |
| Diensgeskiedenis | |
| Gebruiker | Suid-Afrikaanse Spoorweë |
| Aantal in klas | 90 |
| Vlootnommer(s) | 3451-3540 |
| Bynaam | Condenser (kondenseerder) Worshond (nie-kondenseerder) |
| Afleweringsdatum | 1953-1954 |
| Eerste tog | 1953 |
Kondenseerders
wysigHierdie klas se ontwerp is beïnvloed deur eksperimente wat gedoen was met Klas 20 en kondenseerders. Daar is 90 van die lokomotiewe bestel. Henschel het slegs een lokomotief en 60 kondenseerders en North British Locomotive Company het 89 lokomotiewe en 30 kondenseerders afgelewer. Dit is omrede Henschel die meeste ervaring met kondenseerders gehad het.
By lokomotiewe met kondenseerders word die gebruikte stoom nie in die lug weggeblaas nie maar teruggevoer na 'n lugverkoelde kondenseerder in die kolewa. Nadat die stoom afgekoel en water gevorm het, word dit hersirkuleer na die stoomketel toe. Die proses het ook doeltreffendheid verbeter omrede die hersirkulerende water reeds warm was, en minder hitte dus nodig was om weer stoom te vorm in die stoomketel van die lokomotief.
Die kondenseerder het ook 'n nadeel. By gewone stoomlokomotiewe word die stoom wat van die siliders kom deur die skoorsteen uitgeblaas via die blaaspyp. Dit veroorsaak dat warm lug uit die vuurkas deur die stoomketel na die skoorsteen gesuig word en in die proses die water verhit tot stoom. Met kondenseerders moet 'n stoomaangedrewe turbine in die skoorsteen geïnstalleer word om dieselfde effek te kry. Hierdie turbine het die Klas 25-stoomlokomotief 'n unieke klank gegee.
In die kondenseertender was vyf stoomaangedrewe waaiers om lug deur die kondenseerder te blaas wat 550 perdekrag benodig het om operasioneel te wees.
-
SAR no. 3537 op 26 Junie 1966 in Beaufort-Wes -
SAR no. 3464 op 6 April 1979 in De Aar -
SAR no. 3511 Frieda in Pudimoe, Noord-Kaap, ~1991 -
SAR no. 3511 Frieda in Beaconsfield, 17 September 2009 -
Kondenseerkolewa 28790
.jpg)
_a.jpg)
_Engine.JPG)
_Tender.JPG)
Klas 25NC
wysigAs gevolg van die baie en moeilike instandhoudingsvereistes van die kondenseerders is al die Klas 25-lokomotiewe behalwe twee se kondenseerders verwyder. Hulle is hergeklassifiseer as Klas 25 NC. Daar is 'n watertenk in die plek van die kondenseerder op die kolewa gebou. Terselfdertyd is nog 50 Klas 25NC-lokomotiewe bestel by North British Locomotive Co en 39 by Henschel & Son.
Verwysings
wysig- ↑ Holland, D.F. (1972). Steam Locomotives of the South African Railways, Volume 2: 1910-1955 (1st ed.). Newton Abbott, Devon: David & Charles. pp. 108–111. ISBN 978-0-7153-5427-8.
- ↑ 2,0 2,1 2,2 Henschel & Son works list
- ↑ North British Locomotive Company works list
- ↑ 4,0 4,1 Paxton, Leith & Bourne, David. Locomotives of the South African Railways. Struik. Kaapstad. ISBN 0 86977 211 2. pp. 10–11, 77–78.
Eksterne skakels
wysig
Wikimedia Commons het meer media in die kategorie Suid-Afrikaanse Klas-25.- Wikimedia Commons het meer media in die kategorie Suid-Afrikaanse Klas-25NC.
 | Hierdie treinartikel is 'n saadjie. Jy kan Wikipedia help deur dit uit te brei. |