Koekoorlog

Die Koekoorlog (Frans: Guerre des Pâtisseries, Spaans: Primera Intervención francesa en México) was 'n oorlog, wat met die Franse inval in Meksiko op 16 April 1838 begin het en met die onttrekking van die Franse troepe op 9 Maart 1839 geëindig het.

Koekoorlog
Bombardering van San Juan de Ulua op 27 November 1838.
Datum 16 April 1838 – 9 Maart 1839 Ligging Meksiko Resultaat Franse oorwinning Die Meksikaanse regering aanvaar die betaling van die 600 000 pesos
Strydende partye
Frankryk Ondersteun deur:  Verenigde State	Meksiko Ondersteun deur:  Verenigde Koninkryk	Republiek van Texas
Aanvoerders
Charles Baudin	Antonio López de Santa Anna Guadalupe Victoria Mariano Arista	onbekend
Sterkte
3 000	3 239	een bataljon
Ongevalle en verliese
8 gesneuweldes 60 gewondes	224 gesneuweldes of gewondes	geen

Die Franse fregat Gloire tydens die Koekoorlog.

Die bombardering van die San Juan de Ulua vesting op 27 November 1838.

Die slag van Veracruz op 6 Desember 1838.

Die tyd tussen die stigting van die Meksikaanse Republiek in 1824 en die Meksikaans-Amerikaanse Oorlog (1846-1848) was onrustig. Daar was baie plunderings en die geplunderdes kon skaars hoop op 'n kompensasie deur die Meksikaanse Republiek. Daarom het buitelandse inwoners van Meksiko dikwels gedraai na die regerings van hul tuislande en het 'n kompensasie vir ervare onreg geëis.

Dus was daar 'n Franse bakker in Tacubaya, 'n voorstad van Meksikostad, Monsieur Remontel. Sy bakkery is in 1828 deur plunderende Meksikaanse beamptes verwoes en hy het die Franse koning Louis-Philippe (1773-1850) om hulp gevra. Frankryk het daarop 600 000 peso's as kompensasie vir die vernietigde bakkery geëis en die diplomaat Baron Beffaudis het Meksiko 'n ultimatum gestel. Nadat die Meksikaanse President Anastasio Bustamante (1780-1853) nie betaal het nie, het Louis Philippe 'n vloot onder admiraal Charles Baudin (1792-1854) na Meksiko gestuur, om alle Meksikaanse hawens in die Golf van Meksiko te blokkeer, die vesting van San Juan de Ulúa te bombardeer (27 November 1838) en die hawe van Veracruz te beset. Meksiko het op 30 November 1838 oorlog teen Frankryk verklaar en in Desember 1838 het die Franse die hele Meksikaanse vloot in Veracruz vasgekeer. Die blokkade het agt maande geduur.

Dit verteenwoordig die eerste Trans-Atlantiese versending van stoombote, omdat die stoombote Phaeton en Metéore deel uitgemaak het van Baudin se vloot.

Op 9 Maart 1839 het die Franse troepe onttrek nadat onder Britse diplomatieke bemiddeling die Meksikaanse President Bustamante die 600 000 peso's aan Frankryk betaal het.

Sien ook

• Franse intervensie in Meksiko

Bronne

• (en) Nofi, Albert A.; The Alamo and the Texas War for Independence; Da Capo Press; ISBN 0-306-80563-4
• (en) Warner, Michael S.; Consise Encyclopedia of Mexico; Fitzroy Dearborn.
• (en) Marley, David; Wars of the Americas: a chronology of armed conflict in the New World, 1492 to the present

	Geskiedenis van Meksiko
Meso-Amerika Olmeke • Mixteke • Tolteke • Teotihuacáne • Zapoteke • Maja • Tlaxcalteke • Asteke Kolonisasie Spaanse verowering van die Asteekse Ryk (1519–1521) • Spaanse verowering van Yucatan (1527–1697) • Nieu-Spanje (1535–1821) • Meksikaanse Onafhanklikheidsoorlog (1810–1821) 1821–1864 Eerste Meksikaanse Keiserryk (1821–1823) • Texaanse Onafhanklikheidsoorlog (1835–1836) • Koekoorlog (1838) • Meksikaans-Amerikaanse Oorlog (1846–1848) • Kasteoorlog (1847–1901) • Hervormingsoorlog (1857–1861) • Franse intervensie in Meksiko (1861–1867) 1864–1929 Tweede Meksikaanse Keiserryk (1864–1867) • Meksikaanse Rewolusie (1910–1920) • Cristero-oorlog (1926–1929) Moderne geskiedenis Chiapas-konflik (1994) • Dwelmoorlog in Meksiko (2006–hede)