Kogelbergsepter
plant spesie
Die Kogelbergsepter (Paranomus spicatus) is 'n blomdraende struik wat tot die genus Paranomus behoort en deel van die fynbos vorm. Die spesie is endemies aan die Wes-Kaap waar dit voorkom in die Hottentots-Hollandberge vanaf Sir Lowryspas tot by Kogelberg.
| Kogelbergsepter | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Paranomus |
| Spesie: | P. spicatus
|
| Binomiale naam | |
| Paranomus spicatus (P.J.Bergius) Kuntz, (1891)
| |
| Sinonieme | |
Die struik word tot 1 m hoog en blom van September tot November. Vuur vernietig die plant maar die sade oorleef. Die plant is tweeslagtig en bestuiwing vind deur die werking van insekte plaas. Die vrugte word, twee maande nadat die plant geblom het, ryp en die sade val na die grond waar dit deur miere versprei word. Die plant groei in skaliegrond wat ook geskik is vir wingerde op hoogtes van 200 - 300 m.
In Engels staan die struik as die Kogelberg sceptre bekend.