Kromdraai-fossielterrein
Kromdraai is ’n grot met talle fossiele sowat 2 km oos van die meer bekende Sterkfontein en sowat 45 km noordwes van Johannesburg, Suid-Afrika. Dit is in die Wieg van die Mensdom, ’n wêrelderfenisgebied, geleë en is self ’n Suid-Afrikaanse erfenisgebied.[1]
| Fossiele Hominiedterreine in Suid-Afrika* | |
|---|---|
| Unesco-wêrelderfenisterrein | |
| |
| Kromdraai A in 2007. | |
  Kromdraai-fossielterrein |
|
| Koördinate: 26°00′00″S 27°45′00″O / 26.00000°S 27.75000°O | |
| Lande |  Suid-Afrika
|
| Tipe | Kultuur |
| Kriteria | iii, vi |
| Verwysings | 915 |
| Streek† | Afrika |
| Inskripsiegeskiedenis | |
| Inskripsie | 1999 (23ste Sessie) |
| * Naam soos dit in die Wêrelderfenislys verskyn. † Streek soos deur Unesco geklassifiseer. | |
Geskiedenis van uitgrawings
wysig
Die terrein is in 1938 onder die aandag van Robert Broom gebring deur ’n plaaslike skoolseun, Gert Terrblanche, wat verskeie hominientande daar gevind het. Die tande was deel van ’n skedel wat later die holotipe geword het van Paranthropus robustus. Broom het tot in 1947 uitgrawings op die terrein gedoen en dit sou lei tot die ontdekking van verskeie hominienoorblyfsels. Die terrein bestaan uit Kromdraai A en Kromdraai B; laasgenoemde is waar die hominienoorblyfsels ontdek is.[2] In 1955 is nog verskeie hominienoorblyfsels daar ontdek.[3]
In 1993 is opgrawings deur Francis Thackeray van die Transvaalse Museum en Lee Berger van die Universiteit van die Witwatersrand hervat. Spanne van die Harvard-universiteit en ander het later by hulle aangesluit.[4] Dit het daartoe gelei dat nog hominienfossiele gevind is.
Ouderdom
wysigDie ouderdom van Kromdraai B se fossiele word geraam op sowat 2 tot 1,6 miljoen jaar, en dié van die Paranthropus robustus-fossiele op tussen 1,8 en 1,6 miljoen jaar.[5]
Verwysings
wysig- ↑ "9/2/233/0022-001 - Kromdraai Palaeontological Reserve, Kromdraai 71, Krugersdorp District" (in Engels). South African Heritage Resources Agency. Geargiveer vanaf die oorspronklike op 13 Oktober 2014. Besoek op 16 September 2013.
- ↑ R. Broom (1950). Finding the Missing Link. Watts, Londen.
- ↑ J.F. Thackeray, D.J. de Ruiter, L.R. Berger en N.J. van der Merve (2001). Hominid fossils from Kromdraai: a revised list of specimens discovered since 1938. Annals of the Transvaal Museum 38. pp. 43–56.
{{cite book}}: AS1-onderhoud: meer as een naam (link) - ↑ L.R. Berger, C. Menter and F. Thackeray (1994). The renewal of excavation activities at Kromdraai, South Africa. South African Journal of Science. pp. 209–210.
- ↑ Herries, A.I.R., Hopley, P.J., Adams, J.W., Curnoe, D., Maslin, M.A. 2010. Letter to the editor: Geochronology and palaeoenvironments of Southern African hominin-bearing localities-A reply to Wrangham et al., 2009. "shallow-water habitats as sources of fallback foods for hominins" .
Eksterne skakels
wysig
Wikimedia Commons het meer media in die kategorie Kromdraai-fossielterrein.
