Krzysztof Penderecki

Krzysztof Eugeniusz Penderecki (Pools: [ˈkʂɨʂtɔf pɛndɛˈrɛt͡skʲi]; 23 November 1933 – 29 Maart 2020) was 'n Poolse komponis en dirigent. The Guardian het hom Pole se grootste lewende komponis genoem.

Krzysztof Penderecki, Gdańsk, 2008

Van sy mees bekendste werke is Trenodie aan die slagoffers van Hirosjima, sy Simfonie No. 3, sy Sint Lukas Passie, die Poolse Mis, en Anaklasis en Utrenja. Penderecki het vier operas, agt simfonieë, en ander orkesstukke gekomponeer, asook 'n variëteit van instrumentale concertos, koorverwerkings van meestal godsdienstige tekste, en kamer- en instrumentale werke.

Hy is in Dębica, Pole, gebore. Penderecki het musiek studeer aan die Jagielloniese Universiteit asook die Akademie van Musiek in Krakau. Nadat hy gegradueer het aan die Akademie van Musiek het Penderecki 'n onderwyser geword by die akademie, en in 1959 sy loopbaan begin gedurende die Warskouse Herfsfees. Sy Trenodie aan die slagoffers van Hiroshima vir strykorkes en die koorwerk en die Sint Lukas Passie het kritiese lof ontvang.

Sy eerste operastuk, Die Duiwels van Loudun, was nie 'n onmiddellike sukses nie. In die begin van die 1970's het Penderecki se komposisiestyl met sy eerste vioolconcerto 'n verandering ondergaan. Die werk fokus op die semitoon en die tritoon. Sy koorwerk, die Poolse Mis, is geskryf in die 1980's en is in 1993 en 2005 uitgebrei.

Penderecki het baie luisterryke pryse en toekennings gewen, insluitende die Kommandeur se Kruis in 1964, die Prix Italia in 1967 en 1968, die Ridderkruis van die Orde van Polonia Restituta in 1964, vyf Grammy toekennings in onderskeidelik 1987, 1998, 2001, 2013 en 2017, die Wolfprys vir Kunste in 1987, en laastens die Universiteit van Louisville Grawemeyer Toekenning vir Musiekkomposisie in 1992.