Lategan P. Bredenkamp
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Lategan P. Bredenkamp (1928–2010) was ’n Afrikaanse skrywer.
Lewe en werk
wysigLategan P. Bredenkamp is in Januarie 1928 gebore. Hy is getroud met Minnie en hulle het ses kinders, drie dogters (Lia, Alet en Rietjie) en drie seuns (D.C., Izak en Pieter). Sy vrou is in 1999 oorlede. Hy bly op die plaas Amper in die distrik Postmasburg in die Noord-Kaap, waar hy met skape en beeste boer. Op 3 Desember 2010 is hy in die hospitaal op Upington oorlede.
Skryfwerk
wysig“Jan Leendert”[1] vertel die verhaal van ’n rondswerwende bruin plaaswerker,[2] Jan Leendert, en sy vrou Katrien se verblyf op ’n skaapplaas iewers voor die Tweede Wêreldoorlog en die verhouding wat daar tussen die wit boer en hulle heers.[3] Die verteller in die verhaal is die jong seun Pieter. Ná Jan se aankoms begin dinge op die plaas ten goede verbeter, maar die boer neem aanvanklik aanstoot oor Jan se voorbarigheid, wat vriendelik maar ferm sy meestal baie billike eise uiteensit. Treffend is die wyse waarop die skrywer deur dinge te verswyg somtyds meer sê as wat vermeld word, waarna die krisis van misverstand wat die verhouding tref skok in sy ontbloting van die krake in die menslike psige. “Waar die wêreld wyd is”[4] vertel die familiegeskiedenis, met die eerste gedeelte wat die verhaal vertel van die verteller se oupa, sy pa en ander baanbrekers en in die tweede deel sy eie kinderjare behandel.[5] Elke deel is verder opgedeel in episodes, sodat die geskiedenis broksgewys maar op baie onderhoudende manier geskets word.[6]Ten tye van sy dood is daar nog ’n aantal onvoltooide manuskripte op sy rekenaar, met voorlopige werktitels soos “Toeka se tyd”, “Enkeldoringboom” en “Gert en Johannes”.
Publikasies
wysig| Jaar | Publikasies |
|---|---|
| 2008 | Jan Leendert |
| 2010 | Waar die wêreld wyd is |
Bronnelys
wysigTydskrifte en koerante
wysig- Botha, André “Skryf is vir dié boer die lekkerste werk” “Volksblad” 9 Maart 2009
- Botha, André “Merkwaardige skrywer-boer op 82 oorlede” “Volksblad” 4 Desember 2010
Internet
wysig- Bookslive: http://bookslive.co.za/blog/2009/02/13/nuut-deur-protea-boekhuis-jan-leendert-deur-lategan-p-bredenkamp/
- Protea Boekhuis: http://www.proteaboekhuis.com/index.php/protea-outeurs-authors-bredenkamp-lategan
- Worldcat: http://www.worldcat.org/search?q=au%3ABredenkamp%2C+Lategan+P.&qt=hot_author
Resensies
wysig- ↑ Greeff, Rachelle “Rapport” 1 Maart 2009
- ↑ Kemp, Theo LitNet: http://argief.litnet.co.za/article.php?news_id=78410
- ↑ Nel, Ronel “Beeld” 9 Maart 2009
- ↑ Cilliers, Stoffel “Beeld” 7 Junie 2010
- ↑ Jordaan, Annette Tydskrif vir Letterkunde: http://www.letterkunde.up.ac.za/resensies/48_2/27%20Resensies%20Jordaan%2003.pdf Geargiveer 1 Augustus 2019 op Wayback Machine
- ↑ Rosant, Chrisanth “Rapport” 5 September 2010: http://m24arg02.naspers.com/argief/berigte/rapport/2010/09/07/RH/8,9/boek09memoirs2.html[dooie skakel]