Leon Basson
Leonard Jones Basson (gebore 8 April 1960) is 'n Suid-Afrikaanse politikus, 'n Parlementslid (LP) vir die Demokratiese Alliansie en die provinsiale leier van die DA in die Noordwes. Basson het vanaf 2017 tot 2020 as die adjunk-provinsiale leier gedien. Hy het al verskeie poste in die Amptelike Opposisie-skadukabinet van Suid-Afrika beklee. Hy was tussen 2014 en 2017 die skadu-adjunkminister van water en sanitasie voordat hy in 2017 tot skaduminister van water en sanitasie bevorder is. Na die 2019-verkiesing is hy as die skaduminister van menslike nedersettings, water en sanitasie aangewys. Hy dien sedert Desember 2020 as die skaduminister van water en sanitasie.
| Leon Basson | |
 | |
Skaduminister van Water & Sanitasie
| |
| Ampsbekleër | |
| Termynaanvang 5 Desember 2020 | |
Leier van die Demokratiese Alliansie in die Noordwes
| |
|---|---|
| Ampsbekleër | |
| Termynaanvang 21 November 2020 | |
| Vise | Freddy Sonakile |
| Voorafgegaan deur | Joe McGluwa |
Onderleier van die Demokratiese Alliansie in die Noordwes
| |
| Ampstermyn 2017 – 21 November 2020 | |
| Voorafgegaan deur | Petro Nel |
| Opgevolg deur | Freddy Sonakile |
Skaduminister van Menslike nedersettings, Water en Sanitasie
| |
| Ampstermyn 5 Junie 2019 – 5 Desember 2020 | |
Skaduminister van Water & Sanitasie
| |
| Ampstermyn 1 Julie 2017 – 5 Junie 2019 | |
| Voorafgegaan deur | Heinrich Volmink |
Adjunkskaduminister van Water & Sanitasie
| |
| Ampstermyn 5 Junie 2014 – 1 Julie 2017 | |
| Opgevolg deur | Tarnia Baker |
Lid van die Nasionale Vergadering van Suid-Afrika
| |
| Ampsbekleër | |
| Termynaanvang 21 Mei 2014 | |
Persoonlike besonderhede
| |
| Gebore | Leonard Jones Basson 8 April 1960 |
| Nasionaliteit | Suid-Afrikaner |
| Politieke party | Demokratiese Alliansie |
| Eggenoot/-note | Daleen |
| Kind(ers) | 3 |
Biografie
wysigBasson woon al sedert 1976 in Brits in die Noordwes. Hy is getroud met Daleen, en hulle het drie kinders en ses kleinkinders.[1] Basson het vir 10 jaar op die beheerliggaam van Laerskool Pansdrif gedien en was vir ses jaar die voorsitter.[1] Hy was ook vir 12 jaar 'n lid van die beheerliggaam van Hoërskool Brits en het vir nege jaar lank as die voorsitter gedien.[1]
Politieke loopbaan
wysigBasson is 'n lid van die Demokratiese Alliansie (voorheen die Demokratiese Party). In 1995 is hy as raadslid van die Madibeng Paaslike Munisipaliteit verkies.[1] Hy het tot sy verkiesing tot die Nasionale Vergadering in die algemene verkiesing van 2014 as 'n raadslid gedien. Die DA-parlementêre leier, Mmusi Maimane, het hom as die skadu-adjunkminister van water en sanitasie aangestel.[2] Hy is in 2017 tot Skaduminister van Water en Sanitasie bevorder.[3] Hy is ook in 2017 as die DA se adjunkleier in die Noordwes verkies.[1] Hy is tans hoof van die DA se Madibeng-kiesafdeling.[1]
Hy is in Mei 2019 tot die Parlement herverkies. Maimane het hom toe as Skaduminister vir die nuutgeskepte portefeulje Menslike Nedersettings, Water en Sanitasie aangestel.[4][5]
Op 21 November 2020 is Basson as die DA se provinsiale leier in die Noordwes verkies.[6][7][8] Hy is dae daarna deur die nuutverkose DA nasionale leier John Steenhuisen as die skaduminister van water en sanitasie aangewys.[9]
In April 2021 was Basson sterk gekant teen die departement van water en sanitasie se besluit om 24 Kubaanse ingenieurs in diens te neem om Suid-Afrika se waterkrisisse aan te spreek. Hy het 'n beroep op minister Lindiwe Sisulu gedoen om die ontplooiing om te keer en eerder Suid-Afrikaanse ingenieurs te gebruik.[10]
Na die skorsing van voormalige Noordwes premier Supra Mahumapelo se ANC-lidmaatskap aan die einde van April 2021, het Basson gesê dat "die skorsing meer as tien jaar te laat kom" en dat die Noordwes Provinsie "vandag in 'n beter posisie sou gewees het as Supra Mahumapelo nooit gebeur het nie.[11][12]
In Julie 2023 is Basson as die DA se provinsiale leier herverkies.[13]
Verwysings
wysig- ↑ 1,0 1,1 1,2 1,3 1,4 1,5 "Leon Basson North West Provincial Leader". Democratic Alliance. Besoek op 23 November 2020.
- ↑ Maimane, Mmusi (5 Junie 2014). "The DA's shadow cabinet - Mmusi Maimane". Politicsweb. Besoek op 23 November 2020.
- ↑ "Changes to DA Shadow Cabinet". Besoek op 23 November 2020.
- ↑ "SEE: These are the people who will represent you in Parliament, provincial legislatures". News24. 15 Mei 2019. Besoek op 23 November 2020.
- ↑ Gerber, Jan (5 Junie 2019). "Here's the DA's 'shadow cabinet'". News24. Besoek op 23 November 2020.
- ↑ Morapela, Katleho (21 November 2020). "NW to elect new DA leader". OFM. Besoek op 23 November 2020.
- ↑ Chothia, Andrea (21 November 2020). "DA announces provincial leadership election results". The South African. Besoek op 23 November 2020.
- ↑ "Local resident the new DA leader in North West". Komorant. 27 November 2020. Besoek op 1 Mei 2021.
- ↑ Mazzone, Natasha (5 Desember 2020). "DA announces new Shadow Cabinet that will bring Real Hope and Real Change". Democratic Alliance. Besoek op 5 Desember 2020.
- ↑ Meyer, Dan (28 April 2021). "Cuban engineers latest: 'Send specialists home, hire SA professionals – DA". The South African. Besoek op 1 Mei 2021.
- ↑ Basson, Leon (29 April 2021). "Supra's ANC membership suspension 10 years too late – Leon Basson". Politicsweb. Besoek op 1 Mei 2021.
- ↑ Solomons, Tarryn-Leigh (29 April 2021). "Supra Mahumapelo suspension's 10 years too late - DA". IOL. Cape Town. Besoek op 1 Mei 2021.
- ↑ "DA hopes elected North West leadership will help win votes". SABC News (in Engels (VSA)). 29 Julie 2023. Besoek op 4 Augustus 2023.
Eksterne skakels
wysig| Hierdie artikel is in sy geheel of gedeeltelik vanuit die Engelse Wikipedia vertaal. |
