Wikipedia

Li Wenliang

Chinese oogarts bekend as een van die eerste mense wat 'n waarskuwing uitgereik het oor die uitbreek van die ernstige akute respiratoriese sindroom koronavirus 2 (1986-2020)

Li Wenliang (Chinees: 李文亮; pinyin: Lǐ Wénliàng; 12 Oktober 1986 - 7 Februarie 2020) was 'n Chinese oogarts by die Wuhan Sentraal-hospitaal, en een van die eerste mense wat 'n waarskuwing uitgereik het oor die uitbreek van die ernstige akute respiratoriese sindroom koronavirus 2, op 30 Desember 2019.[1][2] Op 3 Januarie 2020 het die polisie in Wuhan hom ontbied en hom vermaan omdat hy 'vals opmerkings op die internet gemaak het.'[1][3] Li het teruggekeer werk toe, maar later die virus opgedoen van 'n besmette pasiënt. Hy is op 7 Februarie 2020 aan die infeksie oorlede.[4][5]

Li Wenliang 李文亮
Plakaat van Li Wenliang
Gebore12 Oktober 1986
Beizhen, Liaoning, Volksrepubliek van China
Sterf7 Februarie 2020 (op 33)
Wuhan, Hubei, Volksrepubliek van China
Nasionaliteit
BeroepOogkundige
Bekend virFluitjieblaser van die Koronavirusepidemie van 2020

Vroeë lewe wysig

Li Wenliang was 'n Mantsjoe[6] en is gebore op 12 Oktober 1985 in Beizhen, Liaoning, Volksrepubliek China.[7] Hy het by die Hoërskool Beizhen skool gegaan en met uitstekende akademiese prestasies gematrikuleer. In 2004 behaal hy 609 in die Chinese toelatingseksamen in China, en word tot die Wuhan-universiteit toegelaat as 'n student in kliniese medisyne vir 'n gekombineerde baccalaureus- en meestersgraadprogram van sewe jaar. Hy het in sy tweede jaar by die Kommunistiese Party van China aangesluit.[8]

Na sy graduering het hy vir drie jaar in Xiamen, Fujian, gewerk voordat hy na Wuhan teruggekeer het om as oogarts by die Wuhan Sentraal-hospitaal te gaan werk.[1]

Fluitjieblaser in 2019-20 koronavirusepidemie wysig

 
Die vermaningsbrief uitgereik deur die Wuhan-polisiedepartement wat Li gelas het om op te hou om "gerugte te versprei" oor "EARS", onderteken deur Li en twee polisiebeamptes. Li het dit op sy Sina Weibo-rekening gelaai.

Op 30 Desember 2019 het Li 'n pasiëntverslag gesien wat 'n positiewe resultaat met 'n hoë vertrouensvlak vir die ernstige akute respiratoriese sindroom (EARS-koronavirus) toon. Om 17:43 het hy in 'n WeChat-groep van sy klasgenote in die mediese skool gesê: "Daar was 7 bevestigde gevalle van EARS by Huanan Seekosmark." Hy het ook die verslag en die uitslag van die CT-skandering van 'n pasiënt geplaas. Om 18:42 het hy bygevoeg, "die jongste nuus is dat daar bevestig is dat dit koronavirus-infeksies is, maar dat die presiese virus moontlik 'n subtipe kan wees." Hy het ook verduidelik wat 'n koronavirus is in die boodskap.[1] Uit vrees vir die owerhede, het Li sy vriende bloot gevra om "jou familielede en geliefdes daaraan te herinner om op die uitkyk te wees", en was ontsteld toe die bespreking 'n groter gehoor gekry het.[9]

Nadat daar skermbeelde van sy WeChat-boodskap aanlyn geplaas is, het die mediese toesighouers van sy hospitaal hom spoedig gekontak.[1] Op 3 Januarie het die Zuchnanstraat-polisiekantoor van die Wuhan Buro vir Openbare Veiligheid, Wuchang-tak, Li gewaarsku en vermaan omdat hy "verkeerde opmerkings op die internet gemaak het".[10] Die polisiebeamptes daar het hom versoek om 'n amptelike vermaningsbrief (beeld regs) te teken.[1]

Na die vermaning het Li weer in sy hospitaal gaan werk. Op 31 Januarie het hy sy vermaningsbrief op sosiale media gepubliseer en beskryf hoe hy deur die polisie ontbied en vermaan is.[11]

Reaksie wysig

Hy was in die kollig van die Chinese publiek en media, want hy word beskou as een van agt 'gerugverspreiders' wat deur die Wuhan-polisie gewaarsku is. Volgens sommige media het die Wuhan-polisie egter op 1 Januarie agt 'gerugverspreiders' ingeroep, terwyl Li en Xie Linka, 'n dokter van die Wuhan Union Hospital, op 3 Januarie gewaarsku is, wat beteken dat die twee persone miskien nie een van die agt "gerugverspreiders" is nie. Li het later geantwoord dat hy nie weet of hy een van die gerugverspreiders' is nie, maar wat hy wel geweet het, is dat hy vermaan is omdat hy die waarheid vertel.[12]

Die hooggeregshof in China het gesê dat die agt burgers van Wuhan in retrospek nie gestraf moes gewees het nie, want wat hulle gesê het, is nie heeltemal onwaar nie. "Dit kon 'n geluk wees dat die publiek die 'gerugte' geglo het en begin het om maskers aan te trek en sanitiseringsmaatreëls uit te voer en die wilde dieremark te vermy," het die hof se sosiale media-rekening op 4 Februarie verklaar.[13]

Li het aan Caixin gesê dat hy bekommerd was dat die hospitaal hom sou straf vir 'verspreiding van gerugte', maar dat hy verlig voel nadat die hooggeregshof die polisie in die openbaar gekritiseer het. "Ek dink dat daar meer as een stem in 'n gesonde samelewing moet wees, en ek keur dit nie goed as die openbare mag vir oormatige inmenging gebruik word nie," het Li gesê.[13]

Siekte en dood wysig

Koronavirusinfeksie wysig

Op 8 Januarie het hy die koronavirus opgedoen toe hy 'n besmette pasiënt in die hospitaal gekonsulteer het.[14] Hy het op 10 Januarie simptome soos koors en hoes getoon wat spoedig ernstig geword het. Op 12 Januarie is hy in intensiewe sorg opgeneem[15] waar hy in kwarantyn geplaas is en behandeling ontvang het.[14] Weens 'n tekort aan toetsstelle vir die nuwe koronavirus, is die besmetting eers op 1 Februarie definitief gediagnoseer.[11] Baie van sy kollegas en familielede is ook met die virus besmet.

Rapportering van afsterwe wysig

Op 6 Februarie het die Chinese staatsmedia berig dat Li op 34-jarige ouderdom gesterf het.[16]Die Wuhan Sentraal-hospitaal het egter aanvanklik 'n verklaring vrygestel wat in stryd was met die berigte van sy dood: "In die proses om die koronavirus te beveg, is die oogarts van ons hospitaal Li Wenliang ongelukkig besmet. Hy is nou in 'n kritieke toestand en ons doen ons bes om hom te red. Die hospitaal het later bevestig dat Li oorlede is, en het op 7 Februarie 2020 sy tyd van dood verstrek.[17]

Volgens China Newsweek (中國 新聞 周刊) het sy hartklop om 21:30 opgehou en is buiteliggaamlike membraan-oksinasie (ECMO) gebruik om hom aan die lewe te hou.[18] Die poging was uiteindelik onsuksesvol, en die hospitaal het later aangekondig dat Li op 7 Februarie 2020 omstreeks 02:58 oorlede is.[4][19] Li is veras voordat sy ouers hom die laaste keer kon sien.[20]

Reaksie op afsterwe wysig

Die Wêreldgesondheidsorganisasie het op Twitter gereageer en gesê dat hul "geskok is oor die heengaan van dr Li Wenliang".

Familie wysig

Li en sy vrou het een kind. Sy vrou was swanger met hul tweede kind toe hy dood is.

Verwysings wysig

  1. ↑ 1,0 1,1 1,2 1,3 1,4 1,5 Tan, Jianxing (31 Januarie 2020). "新冠肺炎"吹哨人"李文亮：真相最重要". Caixin. Geargiveer vanaf die oorspronklike op 2 Mei 2020. Besoek op 6 Februarie 2020.
  2. ↑ "武汉肺炎：一个敢于公开疫情的"吹哨人"李文亮". BBC Chinese (in Chinees). Geargiveer vanaf die oorspronklike op 1 Mei 2020. Besoek op 6 Februarie 2020.
  3. ↑ "Coronavirus 'kills Chinese whistleblower doctor'" (in Engels). BBC News. 6 Februarie 2020. Geargiveer vanaf die oorspronklike op 14 Mei 2020. Besoek op 6 Februarie 2020.
  4. ↑ 4,0 4,1 Zhou, Cissy (7 Februarie 2020). "Coronavirus: Whistleblower Dr Li Wenliang confirmed dead of the disease at 34, after hours of chaotic messaging from hospital". South China Morning Post (in Engels). Geargiveer vanaf die oorspronklike op 19 Mei 2020. Besoek op 7 Februarie 2020.
  5. ↑ "武汉中心医院：李文亮经抢救无效去世" (in Chinees). Sina Corp. 7 Februarie 2020. Geargiveer vanaf die oorspronklike op 20 April 2020. Besoek op 7 Februarie 2020.
  6. ↑ @武汉大学（中共武汉大学党委宣传部） (7 Februarie 2020). "【永是珞珈一少年】文亮校友，一路走好！ ..." (in Chinese (China)). 新浪微博. Geargiveer vanaf die oorspronklike op 2 Mei 2020. 李文亮，满族，中共党员，……
  7. ↑ "武汉市公安局武昌分局中南路街派出所训诫书" (in Chinees). Zhongnanlu Street Police Station, Wuchang Division of Wuhan Police Bureau. 3 Januarie 2020. Geargiveer vanaf die oorspronklike op 2 Mei 2020. Besoek op 7 Februarie 2020.
  8. ↑ "纪念李文亮：我盼望好了就上一线，不想当逃兵". static.cdsb.com (in Viëtnamees). Geargiveer vanaf die oorspronklike op 4 April 2020. Besoek op 7 Februarie 2020.
  9. ↑ "Who was Li Wenliang and how did he become a coronavirus 'hero'". South China Morning Post (in Engels). 7 Februarie 2020. Geargiveer vanaf die oorspronklike op 1 Mei 2020. Besoek op 8 Februarie 2020.
  10. ↑ 林則宏. "武漢肺炎「吹哨者」：三周前就知道可「人傳人」了". 元气网 (in Chinees). Geargiveer vanaf die oorspronklike op 3 Mei 2020. Besoek op 6 Februarie 2020.
  11. ↑ 11,0 11,1 "武漢肺炎：最早公開疫情「吹哨人」李文亮去世". BBC News 中文 (in Traditional Chinese). 6 Februarie 2020. Geargiveer vanaf die oorspronklike op 19 Mei 2020. Besoek op 6 Februarie 2020.
  12. ↑ "讲疫情真话被训诫的武汉医生李文亮：想尽快回到抗疫一线". The Paper (in Chinees). Geargiveer vanaf die oorspronklike op 2 Mei 2020. Besoek op 6 Februarie 2020.
  13. ↑ 13,0 13,1 "Rebuked coronavirus whistleblower vindicated by top Chinese court". Spotlight (in Engels). Geargiveer vanaf die oorspronklike op 19 Mei 2020. Besoek op 5 Februarie 2020.
  14. ↑ 14,0 14,1 "被训诫医生李文亮去世". The Beijing News (in Chinees). Geargiveer vanaf die oorspronklike op 6 Februarie 2020. Besoek op 6 Februarie 2020.
  15. ↑ "新冠肺炎最早示警者之一李文亮医生去世". 经济观察报. 6 Februarie 2020. Geargiveer vanaf die oorspronklike op 14 Mei 2020. Besoek op 6 Februarie 2020.
  16. ↑ 何雾. "李文亮于6 February 2020 晚在重症监护室去世". 界面新闻 (in Chinees). Geargiveer vanaf die oorspronklike op 6 Februarie 2020. Besoek op 6 Februarie 2020.
  17. ↑ Austin, Henry (6 Februarie 2020). "Chinese doctor who raised alarm over coronavirus dies from disease, hospital confirms". NBC News (in Engels). Geargiveer vanaf die oorspronklike op 14 Mei 2020. Besoek op 7 Februarie 2020.
  18. ↑ 張子傑 (6 Februarie 2020). "【武漢肺炎】敢言醫生李文亮傳死訊 院方稱仍搶救中". HK01 (in Chinese (Hong Kong)). Geargiveer vanaf die oorspronklike op 6 Februarie 2020. Besoek op 6 Februarie 2020.
  19. ↑ "Chinese doctor who sounded Wuhan virus alarm is critically ill, hospital says, after state media reported he had died" (in Engels). CNN. 6 Februarie 2020. Geargiveer vanaf die oorspronklike op 15 Mei 2020. Besoek op 6 Februarie 2020.
  20. ↑ Baker, Sinéad (7 Februarie 2020). "Chinese citizens are furious at the death of the whistleblower doctor censored for talking about the coronavirus. His mother said she couldn't even say goodbye". Business Insider (in Engels). Geargiveer vanaf die oorspronklike op 1 Mei 2020. Besoek op 7 Februarie 2020.

Eksterne skakels wysig

Ontsluit van "https://af.wikipedia.org/w/index.php?title=Li_Wenliang&oldid=2663150"