Liebenbergsvleirivier

Die Liebenbergsvlei is 'n sytak van die Wilgerivier wat in die Oos-Vrystaat in Suid-Afrika vloei. Die bolope van die rivier ontspring aan die noordhange van die Rooiberge in die omgewing van die Golden Gate-Hoogland. By die Saulspoortdam vorm die Asrivier 'n linkersytak, en net noord van Bethlehem vorm die Jordaanrivier weereens 'n linkersytak van die Liebenbergsvleirivier.

Liebenbergsvlei
Die Liebenbergsvlei buite Bethlehem Die Liebenbergsvlei buite Bethlehem
Stroomgebied	Suid-Afrika
Hoofrivier	Vaalrivier
Oorsprong	Drakensberge
Monding	Wilgerivier
Monding-hoogte	1504 m
Liebenbergsvlei
Koördinate: 27°19′26″S 28°31′3″O

Waterprojekte

Die Liebenbergsvlei is deel van die Tugela-Vaal-waterprojek. Water word uit die Sterkfonteindam in die Nuwejaarspruit vrygelaat om via die Wilgerivier na die Vaaldam te vloei. Via die Asrivier ontvang dit ook water van die Lesotho-Hoogland-waterprojek.

Kanomaraton

Die Liebensbergvlei-kanomaraton is 'n jaarlikse wedvaart van twee dae wat naby Reitz begin. Die eerste dagskof eindig 33 km stroomaf te Zorgvlietplaas, naby Tweeling. Die tweede skof begin te Bruinswickplaas noord van Tweeling en eindig in Frankfort.

Kyk ook

• Liebenbergstroom

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4
• South Africa Road Atlas. Mapstudio. ISBN 978 1 77026 154 9