Lindiwe Mazibuko
Lindiwe Mazibuko (gebore 9 April 1980) is 'n Suid-Afrikaanse akademikus en 'n voormalige parlementêre leier van die amptelike opposisie, die Demokratiese Alliansie.[1][2] Sy was die land se vierde jongste parlementslid, naas die ANC se Mduduzi Manana, COPE se Luzelle Adams en haar DA-kollega Masizole Mnqasela.[2] Sy is deur sommige bestempel as 'n "opkomende ster in die parlement" en 'n moontlike toekomstige DA-leier.[3][4] Sy is op 27 Oktober 2011 as die DA se parlementêre leier verkies[5][6] nadat sy Athol Trollip net-net in 'n verkiesing verslaan het[7]
| Lindiwe Mazibuko | |
 | |
Parlementêre leier van die DA
| |
| Ampstermyn 27 Oktober 2011 – 6 Mei 2014 | |
| Voorafgegaan deur | Athol Trollip |
|---|---|
| Opgevolg deur | Mmusi Maimane |
LP vir Noord-Durban
| |
| Ampstermyn 6 Mei 2009 – 21 Mei 2014 | |
Persoonlike besonderhede
| |
| Gebore | 9 April 1980 |
| Politieke party | Demokratiese Alliansie |
| Alma mater | Universiteit van Kaapstad |
Sy is in Mei 2014 deur Mmusi Maimane in die pos opgevolg toe sy kort ná die algemene verkiesing aangekondig het dat sy oorsee verder gaan studeer.[8] Sy het in Mei 2015 haar meestersgraad in Publieke Administrasie by die Harvard-universiteit in Boston verwerf.[9] Sedert September 2015 is sy 'n ingeskrewe student aan die "Harvard Institute of Politics".[10][11] Teen Oktober 2021, is sy die Uitvoerende Direkteur van die Apolitical Academy in Suid-Afrika.[12]
Agtergrond
wysigMazibuko het as deel van haar studie aan die Universiteit van Kaapstad 'n referaat oor die DA geskryf nadat die destydse leier Tony Leon in 2006 uitgetree het.[13] Na voltooiing van haar studies aanvaar sy 'n pos by die DA as die party se media-skakelbeampte in die parlement.[14]
Mazibuko is as parlementêre kandidaat vir die Suid-Afrikaanse algemene verkiesing van 2009 aangewys, nadat die party se leier, Helen Zille haar as 'n uitblinker beskryf het. Haar naam het derde op die DA se lys vir KwaZulu-Natal verskyn.[15] Dit besorg haar 'n plek in die parlement nadat die DA hulle status as amptelike opposisie behou het.[2] Sy is daarna as die DA se adjunk-skaduminister van kommunikasie aangestel, en het ook Donald Lee as die party se nasionale woordvoerder opgevolg.[1]
Verwysings
wysig- ↑ 1,0 1,1 "DA se skadu-kabinet – volledige lys van lede".
- ↑ 2,0 2,1 2,2 "National List MPs" (PDF). Geargiveer vanaf die oorspronklike (PDF) op 3 Maart 2016. Besoek op 15 Junie 2013.
- ↑ Rossouw, Mandy (26 September 2009). "Being Black in the DA" (in Engels). Mail & Guardian. Geargiveer vanaf die oorspronklike op 24 Julie 2019.
- ↑ Terreblanche, Christelle (13 Mei 2010), "DA MP challenges Zuma", IOL – Independent Online, http://www.iol.co.za/index.php?set_id=1&click_id=6&art_id=vn20100513121818164C650719, besoek op 22 Augustus 2008
- ↑ #BreakingNews Lindiwe Mazibuko has been elected the new DA parliamentary leader op Twitter
- ↑ Rice, Catherine (27 Oktober 2011). "Mazibuko wins top DA post" (in Engels). Eye Witness News. Geargiveer vanaf die oorspronklike op 30 Julie 2019.
- ↑ Grootes, Stephen (27 Oktober 2011). "DA Parliamentary leader post to be announced" (in Engels). Eye Witness News. Geargiveer vanaf die oorspronklike op 30 Julie 2019.
- ↑ Maimane is DA se nuwe parlementêre leier, Maroela Media, 26 Mei 2014
- ↑ "LINDIWE MAZIBUKO IS NOW A HARVARD GRADUATE" (in Engels). Geargiveer vanaf die oorspronklike op 30 Julie 2019.
- ↑ Jason Felix (7 Augustus 2015). "I'm not done with Harvard, says ex-DA leader Lindiwe Mazibuko" (in Engels). Geargiveer vanaf die oorspronklike op 9 September 2019.
- ↑ "Lindiwe Mazibuko". Harvard Institute of Politics. Besoek op 6 Desember 2015.
- ↑ "Lindiwe Mazibuko". Apolitical Academy. Geargiveer vanaf die oorspronklike op 5 Oktober 2021. Besoek op 5 Oktober 2021.
- ↑ Webb, Boyd (6 Mei 2008), "Black, young and gifted...", The Star, http://www.iol.co.za/news/politics/black-young-and-gifted-1.399033#.UDRkRaCjySw, besoek op 22 Augustus 2008
- ↑ Mabanga, Thebe (30 Januarie 2009). "DA PARTY LIST: A varied selection". Financial Mail. Geargiveer vanaf die oorspronklike op 16 Februarie 2012. Besoek op 15 Junie 2013.
- ↑ "The DA's candidates for the 2009 elections". Politicsweb. 25 Januarie 2009.
| Voorafgegaan deur Dene Smuts |
Skadu-adjunkminister van Kommunikasie 2009-2014 |
Opgevolg deur ' |
| Voorafgegaan deur Donald Lee |
DA se Nasionale Woordvoerder 2009-2014 |
Opgevolg deur Mmusi Maimane |
| Voorafgegaan deur Athol Trollip |
Parlementêre leier van die DA 27 Oktober 2011 – 26 Mei 2014 |
Opgevolg deur Mmusi Maimane |