Litiumnitried
Litiumnitried is 'n verbinding van litium en stikstof in sy -3 oksidasietoestand. Die chemiese formule is Li3N
|
Algemeen | |
|---|---|
| Naam | Litiumnitried |
| Sistematiese naam | Litiumnitried |
 |
 |
| Chemiese formule | Li3N |
| Molêre massa | 34,83 [g/mol][1] |
| CAS-nommer | 26134-62-3[1] |
| Voorkoms | Rooibruin vastestof[1] |
| Fasegedrag | |
| Selkonstantes | a=365,8 pm; c=387,4pm[2] |
| Ruimtegroep | P6/mmm[2] |
| Nommer | 191 |
| Smeltpunt | 840-850 °C[1] |
| Kookpunt | |
| Digtheid | 1,3 [g/cm3] @ 25 °C[1] |
| Oplosbaarheid | reageer met water[1] |
|
Suur-basis eienskappe | |
| pKa | |
|
Veiligheid | |
| Flitspunt | |
|
Tensy anders vermeld is alle data vir standaardtemperatuur en -druk toestande. | |
Portaal  Chemie
| |
Kristalstrukture wysig
α-Li3N wysig
α-Li3N word uit die elemente gevorm by 400°C. Dit kristalliseer in 'n gelaagde heksagonale struktuur. Lae met Li2N wissel met suiwer litiumlae af in die c-rigting.[3]
β-Li3N wysig
β-Li3N word by drukke hoër as 0,4-1 GPa gevorm. Dit kan by 4 GPa in suiwer vorm verkry word en is metastabiel by kameromstandighede, maar dit skakel weer om na α-Li3N by verhitting tot 500 °C. Dit het 'n heksagonale struktuur met 'n ander simmetrie (ruimtegroep P63/mmc). Dit het ook lae, maar die samestelling van die nitriedlae is LiN. [3] β-Li3N se struktuur is in teenstelling tot die α-fase s'n gebaseer op heksagonale digpakking. Wat as Li3N verhandel word is dikwels 'n mengsel van α-fase en β-fase.[4]
γ-Li3N wysig
Bo 36-45 GPa word γ-Li3N gevorm. Dit het 'n kubiese struktuur.[3]
Fisiese eienskappe wysig
α-Li3N het 'n bandgaping van 1,81(1) eV en β-Li3N 2,14(1) eV.[3]
α-Li3N is 'n superioniese geleier met 'n ioniese geleibaarheid van ~ 6 10-3 S/cm. Sy Young se modulus is hoog. [1]
Chemiese eienskappe wysig
Litiumnitried (α-fase) reageer tussen 170 en 210 °C met waterstof volgens:[4]
Die tweede stap, die vorming van litiumamied LiNH2 uit litiumimied Li2NH verloop reeds by laer temperature.
Die reaksie kan teen hoër temperature omgekeer word en waterstof opnuut vrygestel. Die teenwoordigheid van litiumhidried is egter belangrik, omrede van die ontbinding van die amied in die imied, wat ammoniak vrystel volgens:
Gebruike wysig
Dit word as materiaal gebruik om waterstof te stoor en as materiaal wat in organiese liggewende diodes (OLEDs) elektrone injekteer. Dit is ook 'n grondstof vir die produksie van litiumioonbatterye.[1]
Verwysings wysig
- ↑ 1,0 1,1 1,2 1,3 1,4 1,5 1,6 1,7 "Lithium nitride". millepore Sigma.
- ↑ 2,0 2,1 "Li3N structure:A3B_hP4_191_bc_a". Aflow.
- ↑ 3,0 3,1 3,2 3,3 Yan Huo, Yun Hang Hu (2012). "UV–visible absorption spectrum determination of optical energy gaps of α and β lithium nitrides". Journal of Physics and Chemistry of Solids. 73 (8): 999–1002. doi:10.1016/j.jpcs.2012.04.004.
{{cite journal}}: AS1-onderhoud: gebruik authors-parameter (link) - ↑ 4,0 4,1 Oriele Palumbo, Annalisa Paolone, Rosario Cantelli, Danesh Chandra (2008). "Lithium nitride as hydrogen storage material". International Journal of Hydrogen Energy. 33 (12): 3107–3110. doi:10.1016/j.ijhydene.2008.02.053.
{{cite journal}}: AS1-onderhoud: gebruik authors-parameter (link)