Lood(II)karbonaat

Loodkarbonaat is 'n chemiese verbinding met formule PbCO₃. Dit is 'n sout van lood is sy oksidasietoestand +2 en koolsuur.

Eienskappe

Algemeen
Naam	Lood(II)karbonaat
Struktuurformule van
Chemiese formule	PbCO3
Molêre massa	267 [g/mol]
CAS-nommer	598-63-0
Voorkoms	kleurlose of wit vastestof
Fasegedrag
Selkonstantes	a=518,324(2)pm; b=849,920(3)pm; c=614,746(3)
Ruimtegroep	Pmcn (Pnma)
Nommer	62
Strukturbericht	G0₂
Smeltpunt	(ontbind) 315 °C
Kookpunt
Digtheid	6,582 [g/cm3]
Oplosbaarheid	Amper onoplosbaar; 1,1 [mg/L] @ 25 °C
Ksp	7,40 x 10-14
Brekingsindeks	1,804, 2,076, 2,078
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Dit word industrieel uit lood(II)asetaat en koolstofdioksied vervaardig en kom ook natuurlik as die mineraal cerussiet voor.

Kristalstruktuur

Loodkarbonaat kristalliseer in die ortorombiese aragoniet-struktuur wat die kode G0₂ van die strukturbericht-klassifikasie dra.

Chemiese eienskappe

In heet water word 'n basiese karbonaat gevorm:

$3PbCO_{3}(s)\xrightarrow {water;hitte} Pb_{3}(CO_{3})_{2}(OH)_{2}$

Op loodpype wat aan water blootgestel word wat karbonaatione bevat, word 'n lagie loodkarbonaat gevorm wat die pyp vir korrosie behoed. In water wat 'n hoë konsentrasie koolstofdioksied bevat, kan egter die waterstofkarbonaat gevorm word wat goed oplosbaar is:

$PbCO_{3}(s)+CO_{2}(aq)+H_{2}O\rightarrow Pb^{2+}+2HCO_{3}^{-}(aq)$

Gebruike

Dit word as 'n polimerisasiekatalisator gebruik. Dit kataliseer die polimerisasie van formaldehied tot hoëmolekulêregewig (semi)kristallyne poli(oksimetileen).

Ander gebruike is:

• uithardingsmiddels vir silikonharse; *hittebestande smeermiddels
• loodbatterye
• draadversterkte slange
• termistors en hittestabiliseerders vir PVC-polimere