Loyiso Nongxa
Loyiso Nongxa (gebore op 22 Oktober 1953) is die voormalige visekanselier en rektor van die Universiteit van die Witwatersrand (Wits) in Johannesburg, Suid-Afrika.[2]
| Loyiso Nongxa | |
Visekanselier en Rektor van die Universiteit van die Witwatersrand
| |
| Ampstermyn 19 Mei 2003 – 1 Junie 2013[1] | |
| Voorafgegaan deur | Norma Ried Birley |
|---|---|
| Opgevolg deur | Adam Habib |
Persoonlike besonderhede
| |
| Gebore | 22 Oktober 1953 Indwe, Oos-Kaap, Suid-Afrika |
| Kind(ers) | Buhle Nongxa Mvikeli Nongxa |
| Alma mater | Universiteit van Fort Hare, Oxford Universiteit |
Nongxa is op 19 Mei 2003 deur die Raad van die Universiteit as die eerste swart visekanselier van Wits aangestel, sy voorganger was Norma Ried Birley.[3] Hy is 'n gekwalifiseerde wiskundige, en was voorheen die Dekaan van die Fakulteit Natuurwetenskappe by die Universiteit van Wes-Kaapland (UWK). Hy is op 1 Junie 2013 deur Adam Habib as visekanselier opgevolg.
Vroeë lewe
wysigNongxa is op 22 Oktober 1953 op Indwe digby die destydse Transkei gebore.[4] Sy ouers was gekwalifiseerde onderwysers, en sy vader was 'n skoolhoof. Nongxa het aan Healdtown Kollege met onderskeiding as die top-matriek student in Suid-Afrika in 1972 gematrikuleer.[5]
Nongxa het in 1976 'n BSc-graad aan die Universiteit van Fort Hare (UFH) verwerf. Nadat hy in 1978 sy MSc aan UFH verwerf het, het hy Suid-Afrika se eerste swart Rhodes-beurshouer geword. Hy het daarna in 1982 'n D. Phil aan Oxford Universiteit verwerf.
Akademiese loopbaan
wysigNongxa het lesings in die wiskunde by UFH, die Nasionale Universiteit van Lesotho, die Universiteit van Natal en UWK aangebied. By die UWK het hy die posisie van Dekaan van die Fakulteit Natuurwetenskappe beklee. Hy was ook 'n besoekende navorser by die universiteite van Colorado, Harvard, Connecticut, Hawaii, en Baylor.
Verwysings
wysig- ↑ Habib takes over at Wits, Mail & Guardian, besoek op 3 Junie 2013.
- ↑ Biography of Professor Loyiso G. Nongxa[dooie skakel], van die Wits Universiteit webtuiste, besoek op 2 Januarie 2012
- ↑ Johannesburg News Agency, "Wits to appoint new vice-chancellor", besoek op 2 Januarie 2012
- ↑ Mathematicians of the African Diaspora, besoek op 3 Januarie 2012
- ↑ Southern African Regional Universities Association, WITS Vice Chancellor: Prof.