Lys van Joodse feeste en herdenkings
Hierdie is 'n lys van Joodse feeste en herdenkings volgens die Joodse kalender. Joodse feeste staan bekend as Jamim Towim (Hebreeuse meervoud: ימים טובים, letterlik: "Goeie dae") of Jom Tow (eenvoud: יום טוב, letterlik: "Goeie dag"). Hulle is gerangskik volgens die herdenkings in die jaarkring, die hedendaagse vakansiedae in Israel en ander herdenkings en vasdae in Judaïsme. Die twee heiligste dae in die Joodse kalender is die weeklikse Sabbat en die jaarlikse Jom Kippoer. Die drie tradisionele Bedevaartsfeeste (שלוש רגלים, sjalosj regalim) is Pesach, Sjavuot en Soekkot. Tydens die bestaan van die Tweede Tempel het die Jode na Jerusalem getrek en gedurende hierdie feeste offers gebring. Van die kleiner (na-Bybelse) Joodse feeste is Chanoeka en Poerim, waarby die hoofherdenkings in die aand gehou word en die dae gewone werkdae is. Die Joodse kalender beskik oor vier nuwejaarfeeste, waarvan Roosj Hasjana, die "hoof van die jaar", die vernaamste is. Die drie ander nuwejaarfeeste is Toe Bisjwat ("nuwejaar van bome"), Roosj Hasjana Labehemá ("nuwejaar van plaasdiere") en 1 Nisan vir die telling van die maande en bepaling van die groot feeste asook vir die berekening van die jare van 'n Joodse koning se regering. Die einde van die jaarlikse leessiklus van die Tora en die begin van 'n nuwe leessiklus in die sinagoge word op Simgat Tora gevier.
Feeste en herdenkings in die jaarkring Wysig
| Naam | Hebreeus | Vertaling | Betekenis | Datum |
|---|---|---|---|---|
| Roosj Hasjana | רֹאֹשׁ הַשָּׁנָה | Hoof van die jaar | Nuwejaar | 1–2 Tisjrie |
| Jom Kippoer | יוֹם כִּפּוּר | Dag van Versoening | Versoeningsdag | 10 Tisjrie |
| Soekkot | סֻכּוֹת | Loofhutte | Loofhuttefees, Fees van Insameling | 15–21 Tisjrie |
| Hosjana Rabba | הושענא רבה | Groot smeking | Laaste dag van Soekkot | 21 Tisjrie |
| Sjmini Atséret | שְּׁמִינִי עֲצֶרֶת | Agtste [dag] van die vergadering | Afsluiting | 22 Tisjrie |
| Simgat Tora | שִׂמְחַת תּוֹרָה | Toravreugde | Verbly met die Tora | 22 (Israel) of 23 Tisjrie (Diaspora) |
| Chanoeka | חֲנֻכָּה | Inhuldiging, inwyding | Ligtefees | 25 Kislew – 2 Tewét (gewone jaar) Kort Kislew: 25 Kislew – 3 Tewét |
| Toe biSjwat | ט״ו בשבט | 15de [dag] in Sjwat | ראש השנה לאילנות Nuwejaar van die bome en plante |
15 Sjwat |
| Poerim | פורים | Lote | Lotefees | 14 (gewone stede) of 15 Adar (antieke ommuurde stede) |
| Pesach | פֶּסַח | Oorslaan | Lentefees, vryheidsfees of matsafees | 15–21 (Israel) of 15–22 Nisan (Diaspora) |
| Lagh ba'Omer | ל"ג בעומר | 33ste [dag] van die omertelling | Einde van die rouperiode | 18 Ijjar |
| Sjavuot | שבועות | Weke | Wekefees, Fees van die weke, Pinkster | 6 (Israel) of 6–7 Siwan (Diaspora) |
| Tisj'a be'Aw | תשעה באב | Negende [dag] in Aw | Roudag ter herdenking van die tweemalige vernieling van Jerusalem se Tempel | 9 Aw |
| Toe be'Aw | ט״ו באב | 15de [dag] in Aw | Dag van vreugde en liefde | 15 Aw |
Nuwe Israeliese feeste en herdenkings Wysig
| Naam | Hebreeus | Betekenis | Datum |
|---|---|---|---|
| Jom haSjo'a | יום השואה | Holocaustherdenking | 27 Nisan |
| Jom haZikaron | יום הזיכרו | Gedenkdag vir gesneuwelde Israeliese soldate | 4 Ijjar |
| Jom ha'Atsma'oet | יום העצמאות | Israeliese onafhanklikheidsdag | 5 Ijjar |
| Jom Jeroesjalajim | יום ירושלים | Fees van Jerusalem se hereniging tydens die Sesdaagse Oorlog 1967 | 28 Ijjar |
Ander feesdae Wysig
- Sabbat (שבת, weeklikse rusdag)
- Brit Milá (ברית מילה, Besnyding)
- Bar Mitswá of Bat Mitswá (בר מיצוה of בת מיצוה, Godsdienstige volwassenheid)
- Rosj Chódesj (ראש חודש, maandelikse viering van die nuwe maan)
Vasdae Wysig
| Naam | Datum |
|---|---|
| Tsom Gedalja | 3 Tisjrie |
| Jom Kippoer | 10 Tisjrie |
| Asará beTewét | 10 Tewét |
| Ta'anit Ester | 13 Adar |
| Vas van die eersgeborenes | 14 Nisan |
| Sjiw'a Asar beTamoez | 17 Tamoez |
| Tisj'a be'Aw | 9 Aw |
Eksterne skakels Wysig
| Wikimedia Commons bevat media in verband met Joodse feeste en herdenkings. |
- (en) Emil G. Hirsch. "FESTIVALS". Jewish Encyclopedia. Besoek op 13 Desember 2022.AS1-onderhoud: gebruik authors-parameter (link)
- (en) Solomon Schechter, Julius H. Greenstone. "HOLY DAYS". Jewish Encyclopedia. Besoek op 13 Desember 2022.AS1-onderhoud: gebruik authors-parameter (link)
- (en) "Jewish religious year". Encyclopædia Britannica. Besoek op 13 Desember 2022.
| Hierdie artikel is in sy geheel of gedeeltelik vanuit die Duitse Wikipedia vertaal. |
