Messier 14
Messier 14 of M14 (ook bekend as NGC 6402) is ’n bolvormige sterreswerm in die sterrebeeld Slangdraer. Dit is in 1764 deur Charles Messier ontdek.
| Messier 14 | |
|---|---|
 M14 soos gesien deur ’n amateurteleskoop.
| |
| Soort | Bolswerm |
| Sterrebeeld | Slangdraer |
| Regte klimming | 17h 7m 36,15s |
| Deklinasie | -03º 14' 45,3" |
| Afstand | 30 300 ligjare (9 300 parsek) |
| Skynbare magnitude | 8,32 mag |
| Skynbare grootte (v) | 11′.0 |
| Ander name | NGC 6402 |
Die sterreswerm is sowat 30 000 ligjare van die Aarde af. Dit is sowat 100 ligjare breed en bevat verskeie honderdduisende sterre. Met sy oënskynlike magnitude van 7,6 kan dit met ’n verkyker gesien word. Die helderste ster het ’n magnitude van 14.
Die algehele helderheid van M14 is sowat 400 000 keer dié van die Son, wat neerkom op ’n absolute magnitude van -9,12. Daar is altesaam 70 bekende veranderlike sterre. In 1938 het ’n nova verskyn, maar dit is nie ontdek tot in 1964 toe fotografiese plate van daardie tyd bestudeer is nie. Daar word gereken die nova het ’n maksimum helderheid van 9,2 mag bereik: meer as vyf keer dié van die helderste "normale" ster in die swerm.
Eksterne skakels
wysig- SEDS: Messier 14
- M14, Galactic Globular Clusters Database
- Messier 14 op WikiSky: DSS2, SDSS, GALEX, IRAS, Hydrogen α, X-Ray, Astrophoto, Sky Map, Artikels en foto's
Wikimedia Commons het meer media in die kategorie Messier 14.
Hierdie artikel is vertaal uit die Engelse Wikipedia
