Makapansgat

Die Makapansgat is kalksteengrotte sowat 25 km noordoos van Potgietersrus in die Limpopoprovinsie van Suid-Afrika. Die grotte het 'n dubbele ingang wat aaneen loop en lei na reusagtige grotte. Die grotte het bekend geraak met die beleg van Makapan in 1854.

Fossiele Hominiedterreine in Suid-Afrika*
Unesco-wêrelderfenisterrein
Makapansgat Ligging van die Makapansgat in Suid-Afrika
Koördinate: 24°08′27″S 29°12′03″O
Lande	Suid-Afrika
Tipe	Kultuur
Kriteria	iii, vi
Verwysings	915
Streek†	Afrika
Inskripsiegeskiedenis
Inskripsie	1999  (23ste Sessie)
Uitbreidings	2005
* Naam soos dit in die Wêrelderfenislys verskyn. † Streek soos deur Unesco geklassifiseer.

In November 1854 het hoofman Mokopane (Makapan) die grotte as wegkruipplek gebruik nadat hy 'n groep Boere onder kommandant Hermanus Portgieter vermoor het. 'n Strafekspedisie is teen hom geloods waartydens bykans die hele stam na 'n beleg van 25 dae uitgewis is. Kommandant-generaal Piet Potgieter is tydens die beleg deur 'n skoot uit die grotte gedood. Sy lyk is deur sy vriend, die latere pres. Paul Kruger uit die ingang van die grot gered.

Die grot het groot argeologiese en paleontologiese waarde. Die aapmens Australopithecus africanus is onder andere hier gevind.

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4
• Ensiklopedie van Suidelike Afrika, Eric Rosenthal, 1967

Eksterne skakels

• Wikimedia Commons het meer media in die kategorie Makapansgat.