Mokopane
Potgietersrus of Mokopane (voorheen Vredenburg, Pieter Potgietersrus en Potgietersrust [2]) is 'n dorp in die Limpopoprovinsie van Suid-Afrika. Die dorp is oorspronklik deur die Voortrekkers gestig en genoem na die Voortrekkerleier Piet Potgieter. Die naam is in 2003 na Mokopane verander, na die kaptein wat Piet Potgieter vermoor het. Dit is die tuiste van Noord-Ndebelesprekende stamme, asook Engels-, Afrikaans-, Noord-Sotho- en Tsonga-sprekendes.
Mokopane Potgietersrus | |
|---|---|
.jpg) | |
  Mokopane Mokopane se ligging in Limpopo | |
| Koördinate: 24°11′S 29°01′O / 24.183°S 29.017°O | |
| Land |  Suid-Afrika |
| Provinsie | Limpopo |
| Distrik | Waterberg |
| Munisipaliteit | Mogalakwena |
| Stigting | 1907 |
| Regering | |
| • Tipe | Plaaslike Munisipaliteit |
| • Burgemeester | Rdl. Tlhalefi Mashamaite (ANC) |
| Oppervlak | |
| • Totaal | 75,13 km2 (29,01 vk. myl) |
| Hoogte | 1 130 m (3 710 ft) |
| Bevolking (2011)[1] | |
| • Totaal | 30 151 |
| • Digtheid | 401/km2 (1 040/vk. myl) |
| Rasverdeling (2011) | |
| • Wit mense | 27.6% |
| • Indiërs/Asiërs | 4.4% |
| • Bruin mense | 0.7% |
| • Swart mense | 66.7% |
| • Ander | 13.8% |
| Taal (2011) | |
| • Noord-Sotho | 46.5% |
| • Afrikaans | 27.8% |
| • Engels | 7.4% |
| • Tsonga | 4.4% |
| • Ander | 13.8% |
| Poskode (strate) | 0600 |
| Poskode (posbusse) | 0600 |
| Skakelkode | 015 |
| Webwerf | http://www.mogalakwena.gov.za/ |
Daar is vyf koninkryke in die omgewing: Kekana (Moshate), Langa (Mapela), Gegana (Mshade), Lebelo (Garasvlei) en Langa (Bakenburg). Die stad se naam sou eers na Mngombane verander word omdat dit die oorspronklike koning se naam was (en nie Mokopane nie).
Toerisme
wysigDie stad is net twee uur se ry van Gauteng af en is dus die perfekte oornagplek vir reisigers op pad na Botswana, Zimbabwe en die Krugerwildtuin. Die gebied is tipies bosveld met baie akasiabome en aalwyne, wat in Junie en Julie op hulle mooiste is.
Die Makapansgat is sowat 25 km noordoos van Mokopane.
Ekonomie
wysigMokopane is een van Suid-Afrika se rykste landbougebiede en produseer koring, tabak, katoen, vleis, mielies, grondbone en sitrusvrugte. Die Zebediela-sitruslandgoed, 55 km na die suidooste, is een van die grootste sitrusplase in die Suidelike Halfrond.
Die gebied is ook ryk aan minerale, met die ontginning van platinum, diamante en graniet as hoofbedrywighede.
Sien ook
wysigVerwysings
wysig- ↑ 1,0 1,1 1,2 1,3 "Hoofplek Mokopane". Sensus 2011.
- ↑ "Dictionary of Southern African Place Names (Public Domain)". Raad vir Geesteswetenskaplike Navorsing. p. 373.
Eksterne skakels
wysig
Wikimedia Commons het meer media in die kategorie Mokopane.
