Acacia

Acacia is 'n plantgenus wat behoort tot die subfamilie Mimosoideae wat op sy beurt behoort tot die familie Fabaceae. Akasias se blare is dubbelveervormig saamgestel met klein tot baie klein veeragtige blaartjies. Die blomme is donserig en geel of wit. Al die inheemse akasias het dorings terwyl dié wat uit Australië ingevoer is doringloos is. Baie van die uitheemse bome het genaturaliseer geraak; voorbeelde is die wattel-, swarthout- en rooikransbome. Laasgenoemde is 'n ernstige plaag en geklassifiseer as 'n indringerplant. Van die inheemse spesies skei gom af wat gebruik kan word vir die maak van lekkergoed en kleefmiddels.

Acacia
Blomme van die soetdoring (Acacia karroo).
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Rosids
Orde:	Fabales
Familie:	Fabaceae
Klade:	Mimosoideae
Tribus:	Acacieae
Genus:	Acacia Mill., (1754)
Spesies
Sien teks

Daar is reeds in 2011 besluit om alle Acacia's met 'n oorsprong uit Afrika se genus naam na Vachellia of Senegalia te verander. DNS-toetse het bewys dat die spesies verskil. Die naamsverandering word nou eers in Suid-Afrika toegepas.

Spesies

• Brisbanegouewattel (Acacia fimbriata)
• Buikdoring (Acacia luederitzii)
• Swartwattel (Acacia mearnsii)
• Vaalmimosa (Acacia podalyriifolia)

Foto's van verskeie spesies

• 
  Enkeldoring (Acacia robusta)
• 
  Gewone haakdoring (Acacia caffra)
• 
  Haak-en-steek (Acacia tortilis)
• 
  Kameeldoring (Acacia erioloba)
• 
  Knoppiesdoring (Acacia nigrescens)
• 
  Koorsboom (Acacia xanthophloea)
• 
  Lekkerruikpeul (Acacia nilotica)
• 
  Papierbasdoring (Acacia sieberana)
• 
  Rooidoring (Acacia gerrardii)
• 
  Silwerwattel (Acacia dealbata)
• 
  Soetdoring (Acacia karroo)
• 
  Swarthaak (Acacia mellifera)
• 
  Trassiedoring (Acacia hebeclada)
• 
  Vaalmimosa (Acacia podalyriifolia)
• 
  Vlamdoring (Acacia ataxacantha)
• 
  Witdoring (Acacia polyacantha)

Sien ook

• Alfabetiese lys van Suid-Afrikaanse bome

Bron

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8