Malmö

Malmö [ˈmalːˌmøː] is die metropool van die suidwestelike deel van die Suid-Sweedse skiereiland Skåne en die derde grootste stad in die land met 'n oppervlakte van 71,76 vierkante kilometer en 'n bevolking van 258 020 mense (31 Desember 2006). Malmö is die administratiewe setel van die gelyknamige munisipaliteit (Sweeds: Malmö kommun) en die provinsie Skåne län.

Malmö
Van bo links na regs: Turning Torso, Malmöhus, Standbeel van 'n griffioen, Kronprinsen en die Öresundbrug.
Wapen
Slagspreuk: Mångfald, Möten, Möjligheter Diversiteit, Samekoms, Moontlikhede
Malmö Ligging van Malmö in Swede
Koördinate: 55°35′0″N 13°02′0″O
Administrasie
Land	Swede
Provinsie	Skåne
Distrik	Skåne län
Munisipaliteit	Malmö Munisipaliteit en Burlöv Munisipaliteit
Oppervlak
- Stad	335,14 km²  (129,4 vk m)
- Land	155,56 km² (60,1 vk m)
- Water	179,58 km² (69,3 vk m)
- Stedelik	76,81 km² (29,7 vk m)
- Metro	2 535,76 km² (979,1 vk m)
Bevolking (30 Junie 2011)
- Stad	300 515
- Digtheid	1 931,8/km² (5 003,3/myl2)
- Stedelik	280 415
- Stedelike bevolkingsdigtheid	3 650,8/km² (9 455,5/vk m)
- Metropolitaans	658 704
- Metrodigtheid	259,8/km² (672,9/vk m)
Tydsone	SET (UTC+1)
- Somer (DST)	SEST (UTC+2)
Webwerf: www.malmo.se

Malmö is een van die oudste handel- en nywerheidstede van Swede wat danksy die opening van die indrukwekkende Öresundbrug, wat Malmö met die Deense hoofstad Kopenhagen verbind, 'n baie dinamiese groei getoon het. Malmö is tans 'n sentrum van die inligtings- en biotegnologie-bedrywe en die setel van 'n beduidende universiteit. Een van die bekendste argitektoniese bakens van Malmö is die wolkekrabber Turning Torso, wat in 2005 volgens 'n ontwerp van die Spaanse argitek Santiago Calatrava as een van die hoogstes in Europa in die westelike hawebuurt Västra Hamnen ontstaan het. As 'n voormalige nywerheidsbuurt het Västra Hamnen tot 'n moderne kwartier met opspraakwekkende argitektuur ontwikkel.

As die hoofstad van die historiese landskap Skåne pronk Malmö daarnaas met 'n ryk argitektoniese erfenis soos Lilla Torg, die Middeleeuse markplein, die Stortorget-plein met die historiese raadsaal en die multikulturele omgewing van die Möllevångstorget-plein.