Margaret Tudor (28 November 1489 - 18 Oktober 1541) was van 1503 tot 1513 die koningingemaal van Skotland deur haar huwelik met Jakobus IV van Skotland. Nadat haar man tydens ’n inval in Engeland gesterf het, was sy van 1513 tot 1515 die regent van haar seun, Jakobus V.

Margaret Tudor
Koningingemaal van Skotland
Detail van ’n portret deur Daniël Mijtens.
Detail van ’n portret deur Daniël Mijtens.
Ampsbekleding 8 Augustus 1503 -
9 September 1513
Eggenote Jakobus IV van Skotland
(1503-1513)
Archibald Douglas, 6de Graaf van Angus (1514-1527)
Henry Stewart, 1ste lord Methven (1528)
Kinders
  • James, Hertog van Rothesay
  • Arthur Stewart, Hertog van Rothesay
  • Jakobus V van Skotland
  • Alexander Stewart, Hertog van Ross
  • Margaret Douglas, Gravin van Lennox
Huis Tudor
Vader Hendrik VII van Engeland
Moeder Elizabeth van York
Gebore 28 November 1489
Westminster-paleis, Londen, Engeland
Oorlede 18 Oktober 1541 (op 51)
Methven-kasteel, Perthshire, Skotland
Godsdiens Rooms-Katoliek

Sy is in die Westminster-paleis in Londen gebore as die oudste dogter van Hendrik VII van Engeland en Elizabeth van York. Sy was die suster van Hendrik VIII.

Margaret Tudor was verskeie kere swanger, maar die meeste van haar kinders is jonk dood of is stilgebore. As koninginweduwee is sy getroud met Archibald Douglas, 6de Graaf van Angus. Deur haar eerste en tweede huwelik was Margaret onderskeidelik die ouma van Maria, koningin van die Skotte, en Maria se tweede man, lord Darnley. Margaret se huwelik in 1503 met Jakobus IV het die koningshuise van Engeland en Skotland verenig, en dit het ’n eeu later gelei tot die Union of the Crowns.

Met sy bestyging van die Engelse troon ná die dood van die kinderlose Elizabeth I, was Margaret se agterkleinseun Jakobus VI en I die eerste persoon wat koning van Engeland én Skotland was.

VerwysingsWysig